Umutande wa Malyashi mwi Sukulu Lya Butumikishi Ilya Bulesa Ilya mu 2009

IFYA KUCITA

Ifi e fyo Isukulu lya Butumikishi Ilya Bulesa likalatungululwa mu 2009.

UMUKALAFUMA IFYEBO: Baibolo ya Amalembo ya Calo Cipya [bi12], “Amalembo Yonse Yantu Yapuutwamo Kuli Lesa, Kabili ya Kunonsha” (ica mu 1990) [si], “Sambilila Kuli Kasambilisha Mukalamba [lr], na Ukupelulula Ukufuma Mu Malembo (ica mu 1989) [rs].

INSHITA NGA YAKUMANA, isukulu lifwile ukutendeka na mashiwi ya kusengela lyena no kutwalilila ukulingana na fintu batantike muli uno mutande wa malyashi. Ilyashi limo na limo nga lyapwa, kangalila we sukulu akulaita uulekonkapo.

IFISHINKA FIKALAMBA MU KUBELENGA BAIBOLO: Amamineti 10. Mu mamineti ya kubalilapo yane, eluda nelyo umubomfi utumikila uwakampuka alingile ukulanda pa fishinka fikalamba ifili mu kubelenga Baibolo ukwa mulungu. Nga ca kutila ukubelenga Baibolo ukwa mulungu kutendeka ibuuku lipya ilya mu Baibolo, ninshi kalanda talingile ukulanda pa fishinka fikalamba ifili mu kubelenga kwa uyo mulungu. Lelo, ifyebo akalandapo mu mamineti ya kubalilapo yane, fifwile ukufuma mu citabo ca kuti “Amalembo Yonse.” Ku ca kumwenako, mu Mulungu wa January 5, tukalasambilila ifipandwa fya kubalilapo fisano ifye buuku lya Ukutendeka, kanshi kalanda afwile ukusala ifishinka ifinono ukufuma mu maparagrafu ya kubalilapo ayalanda pe buuku lya Ukutendeka ayaba mu citabo ca “Amalembo Yonse.” Afwile ukulanda bwino pa kuti icilonganino canonkelamo. Nampo nga ifyebo alelandapo fili pa kubelenga Baibolo ukwa mulungu nelyo alelanda pa fishinka ukufuma mu citabo ca “Amalembo Yonse,” ico kalanda akafwaya sana ukubombelapo kwafwa ibumba ukwishiba umulandu ifyebo ficindamine e lyo ne fyo fingabomfiwa. Kalanda alingile ukubikako amano pa kuti tacilile pa mamineti yane aya kulandamo ifyebo fya kubalilapo. Afwile ukushako amamineti 6 aya kuleka ibumba na lyo lyalandapo. Kalanda akeba ibumba ukulanda fye panono (amasekondi 30 nangu ukucepako pali 30) ifyo batemenwemo ne fyo banonkelemo mu kubelenga Baibolo ukwa uyo mulungu. Lyena kangalila we sukulu akeba abasambi ukuya mu makalasi yambi.

ILYASHI Na. 1: Amamineti 4 nangu ayanonoko. Uukalanda ili lyashi lya kubelenga, ni munyinefwe. Umusambi afwile ukubelenga fye ifyebo bamupeele. Takalande amashiwi ya kwiswila nelyo amashiwi ya kusondwelela. Kangalila we sukulu alingile ukwafwa sana abasambi ukulaumfwa ifyo balebelenga, balingile ukulabelenga bwino, ukushimpa amashiwi bwino, ukulayalule shiwi, ukulapemwina apo balingile ukupemwina, no kulabelenga kwati balelanda fye.

ILYASHI Na. 2: Amamineti 5. Bankashi e bo bakalapeela ili lyashi. Abasambi abo bapeele ili lyashi bakalabapeelela limo imitantikile nelyo bakaisalila abene pa mutande waba pe bula 82 mu citabo citila Nonkelenimo mu Masambililo ya Isukulu lya Butumikishi Ilya Bulesa. Umusambi alingile ukulanda pa mutwe bamupeele no kulangilila ifyo ifyebo fingabomfiwa mwi bala ukulingana ne ficitika mu cifulo umo icilonganino cishimikila. Nga tabalangilile umufumine ifyebo, umusambi umwine akaifwaila ifyebo mu mpapulo shesu. Kangalila we sukulu akabika sana amano ku kumona ifyo umusambi alelanda ilyashi ne fyo aleyafwa umwine wa ng’anda ukutontonkanya pa Malembo no kumfwikisha ifishinka fikalamba ifili mu lyashi. Kangalila we sukulu akafwaya uwa kumwafwa umo.

ILYASHI Na. 3: Amamineti 5. Munyinefwe nelyo nkashi kuti apeela ili lyashi. Umusambi alingile ukupekanya ilyashi pa mutwe bamupeele. Nga tabalangilile umufumine fyebo, umusambi umwine akaifwaila ifyebo mu mpapulo shesu. Ili lyashi nga ni munyinefwe uulelanda, alingile ukulanda ku balongene bonse mu Ng’anda ya Bufumu. Nga ni nkashi e o bapeele ili lyashi, alingile ukulanda nga filya fine engalanda Ilyashi Na. 2. Mukwai ishibeni ukuti amalyashi ayakwete ici cishibilo mulingile ukupeela bamunyinefwe pa kuti balanda ili lyashi kwi bumba, kabili nga calinga peeleni eluda nelyo umubomfi utumikila.

UKUFUNDA: Amamineti 1-2. Kangalila we sukulu talingile ukulandila libela icishinka umwana we sukulu alebombelapo. Umusambi nga alanda Ilyashi Na. 1, Na. 2, e lyo na Na. 3, kangalila we sukulu akatasha umusambi pa cishinka cimo ico acilanda bwino mu lyashi lyakwe. Umulimo wa kwa kangalila we sukulu te wa kutasha fye umwana we sukulu ukuti “mwabombeni” lelo, alingile ukulanda umulandu wine wine uo alandila ukuti umwana we sukulu nabomba bwino. Afwile ukuloshako libili libili ku fyebo ifyaba mu citabo ca Nonkelenimo. Ukulongana nga kwapwa nangu fye pa nshita imbi, kangalila we sukulu kuti afunda abana be sukulu pa mbali ukulingana ne fyo cila musambi acibomba.

INSHITA: Takuli ilyashi nangu limo ililingile ukupula mu nshita, nangu fye mashiwi ya kwa kafundisha wine. Bakalanda ba malyashi Na. 1 ukushinta ku Na. 3 kuti babacilima bwino bwino nga ca kuti bapula mu nshita. Munyinefwe uulelanda ilyashi lya fishinka fikalamba ifya mu Baibolo nga acila mu nshita, kuti bamufunda pa mbali. Bonse bafwile ukusunga sana inshita. Ukulongana konse kufwile ukupwa mu mamineti 30.

FORMU YA KUFUNDILAPO: Yaba mu citabo ca Nonkelenimo.

KAFUNDISHA WA CIBILI: Ibumba lya baeluda kuti lyasala eluda wafikapo, nga epo ali, ukuba kafundisha wa cibili. Nga ca kutila baeluda bengi mu cilonganino, ninshi baeluda bakampuka kuti balelekanina ukubomba uyu mulimo cila mwaka. Umulimo wa kwa kafundisha wa cibili wa kufunda pa mbali bamunyinefwe abakalalanda ifishinka fikalamba nga amona ukuti alingile ukubafunda. Kwena te lyonse alingile ukufunda baeluda banankwe nelyo ababomfi batumikila ilyo balanda aya malyashi.

UKUPITULUKAMO: Amamineti 20. Nga papita imyeshi ibili, kangalila we sukulu akulatungulula ukupitulukamo. Intanshi kulingile kwaba ukulandapo pa fishinka fikalamba ukufuma mu kubelenga Baibolo nge fyo tulandilepo kale. Uku, kupituluka mu fyebo twasambilile mwi sukulu pa myeshi ibili iyapitapo, ukulundako ne fya uyo wine mulungu. Icilonganino cenu nga cikalalongana ukulongana kwa muputule nelyo kangalila wa muputule akatandala mu mulungu wa kupitulukamo, ninshi ukupitulukamo kukabako umulungu ukonkelepo e lyo Amalyashi Na. 1, Na. 2, na Na. 3 aya mu mulungu ukonkelepo e yakaba muli uyo mulungu wa kutandala kwa kwa kangalila. Takulingile ukuba ukwaluka ku kutantika kwa fishinka fikalamba no kubelenga Baibolo ukwa cila mulungu, fikatwalila ukuba filya fine fitantikwe.

Umutande Wa Malyashi

Jan. 5 Ukubelenga Baibolo: Ukutendeka 1-5

Na. 1: Ukutendeka 3:1-15

Na. 2: Umulandu Yesu Abelele Kasambilisha Mukalamba (lr icipa. 1)

Na. 3: Bushe Ifintu Fyonse Mupu? (1 Kor. 15:58)

Jan. 12 Ukubelenga Baibolo: Ukutendeka 6-10

Na. 1: Ukutendeka 9:1-17

Na. 2: Ifyo Mwingasuka Abakaana Ukuti Tabasumina Muli Lesa (rs ibu. 227 ¶5–ibu. 229 ¶1)

Na. 3: Kalata Wafuma Kuli Lesa Wa Kutemwa (lr icipa. 2)

Jan. 19 Ukubelenga Baibolo: Ukutendeka 11-16

Na. 1: Ukutendeka 14:1-16

Na. 2: Uwapangile Ifintu Fyonse (lr icipa. 3)

Na. 3: Bushe Yehova Atukansha Shani? (Esa. 64:8)

Jan. 26 Ukubelenga Baibolo: Ukutendeka 17-20

Na. 1: Ukutendeka 17:1-17

Na. 2: Ico Abantunse Bafililwa Ukukwata Kamfulumende Iya Mulinganya (rs amabu. 218-219 ¶4)

Na. 3: Lesa Alikwate Shina (lr icipa. 4)

Feb. 2 Ukubelenga Baibolo: Ukutendeka 21-24

Na. 1: Ukutendeka 22:1-18

Na. 2: “Uyu E Mwana Wandi” (lr icipa. 5)

Na. 3: a Ifyo Twingacita pa Kuti Tukushe Ukutemwa Kwesu (2 Kor. 6:11-13)

Feb. 9 Ukubelenga Baibolo: Ukutendeka 25-28

Na. 1: Ukutendeka 25:1-18

Na. 2: Kasambilisha Mukalamba Abombele Abantu Bambi (lr icipa. 6)

Na. 3: Umulandu Ukubombesha kwa Bantunse Ukwa Kuleta Ukwiluluka Kwingafililwa (rs ibu. 219 ¶2–ibu. 220 ¶5)

Feb. 16 Ukubelenga Baibolo: Ukutendeka 29-31

Na. 1: Ukutendeka 29:1-20

Na. 2: Umulandu Tushifwile ‘Ukusakamikilwa’ (Mat. 6:25)

Na. 3: Icumfwila Kuti ca Kucingilila (lr icipa. 7)

Feb. 23 Ukubelenga Baibolo: Ukutendeka 32-35

Ukupitulukamo

Mar. 2 Ukubelenga Baibolo: Ukutendeka 36-39

Na. 1: Ukutendeka 39:1-16

Na. 2: Kwaliba Abatucila (lr icipa. 8)

Na. 3: Bufumu bwa kwa Lesa Bweka fye—E Bukaleta Ifyo Abantu Bakabila (rs ibu. 220 ¶6–ibu. 221 ¶2)

Mar. 9 Ukubelenga Baibolo: Ukutendeka 40-42

Na. 1: Ukutendeka 40:1-15

Na. 2: Tufwile Ukukaana Ifya Kutunka (lr icipa. 9)

Na. 3: b Cenjeleni Kuli Bucaibela!

Mar. 16 Ukubelenga Baibolo: Ukutendeka 43-46

Na. 1: Ukutendeka 44:1-17

Na. 2: Yesu Alikwata Maka Ukucila Ifibanda (lr icipa. 10)

Na. 3: Amasesemo ya Baibolo Yalishininkishiwa Ukuba aya Kushintililapo Umupwilapo (rs ibu. 221 ¶3–ibu 222 ¶3)

Mar. 23 Ukubelenga Baibolo: Ukutendeka 47-50

Na. 1: Ukutendeka 48:1-16

Na. 2: Bushe Tulingile Ukutiina Kaseebanya?

Na. 3: Ukwafwiwa Kuli Bamalaika ba kwa Lesa (lr icipa. 11)

Mar. 30 Ukubelenga Baibolo: Ukufuma 1-6

Na. 1: Ukufuma 1:1-19

Na. 2: Yesu Atusambilisha Ifya Kupepa (lr icipa. 12)

Na. 3: Bushe Ukundapa kwa Cisungusho mu Kasuba Kesu Kucitwa Ukupitila mu Mupashi wa kwa Lesa? (rs amabu. 333-¶2-4)

Apr. 6 Ukubelenga Baibolo: Ukufuma 7-10

Na. 1: Ukufuma 9:1-19

Na. 2: Abo Abaishileba Abasambi ba kwa Yesu (lr icipa. 13)

Na. 3: c Bushe Ifyalembwa pa Abena Galatia 6:2 na pa Cipandwa 6:5 Fya-ampana Shani?

Apr. 13 Ukubelenga Baibolo: Ukufuma 11-14

Na. 1: Ukufuma 12:21-36

Na. 2: Umulandu Tulingile Ukweleela (lr icipa. 14)

Na. 3: Ubupusano Bwaba pa Kuposha kwa Cisungusho Ukwa kwa Yesu na Batumwa Bakwe no kwa Ino Nshita (rs ibu. 334 ¶1-4)

Apr. 20 Ukubelenga Baibolo: Ukufuma 15-18

Na. 1: Ukufuma 15:1-19

Na. 2: Finshi Umuntu Engacita pa Kutaluka ku Mipepele ya Bufi?

Na. 3: Isambililo pa lwa Kuba Abasuma (lr icipa. 15)

Apr. 27 Ukubelenga Baibolo: Ukufuma 19-22

Ukupitulukamo

May 4 Ukubelenga Baibolo: Ukufuma 23-26

Na. 1: Ukufuma 24:1-18

Na. 2: Cinshi Cacindama Icine Cine? (lr icipa. 16)

Na. 3: Ifyo Abena Kristu ba Cine Beshibikwa Ilelo (rs ibu. 334 ¶5–ibu. 335 ¶4)

May 11 Ukubelenga Baibolo: Ukufuma 27-29

Na. 1: Ukufuma 29:1-18

Na. 2: Ifya Kuba ne Nsansa (lr icipa. 17)

Na. 3: d Ubwafya Bwaba Muli Bucishinka Bwalubana

May 18 Ukubelenga Baibolo: Ukufuma 30-33

Na. 1: Ukufuma 31:1-18

Na. 2: Umulandu Abena Kristu ba Kubalilapo Bapeelelwe Amaka ya Kundapa mu Cipesha Mano (rs ibu. 336 ¶1-4)

Na. 3: Bushe Ulebukisha Ukutasha? (lr icipa. 18)

May 25 Ukubelenga Baibolo: Ukufuma 34-37

Na. 1: Ukufuma 37:1-24

Na. 2: Bushe Cisuma Ukulwa? (lr icipa. 19)

Na. 3: e Bushe Umulekelesha Cinshi, Kabili Mulandu Nshi Tushilingile Ukubela Aba Mulekelesha?

June 1 Ukubelenga Baibolo: Ukufuma 38-40

Na. 1: Ukufuma 40:1-19

Na. 2: Bushe Lyonse Ufwaya Ukuba Uwa Ntanshi? (lr icipa. 20)

Na. 3: Lisubilo Nshi Lyabako Ilya Kundapa Kwine Kwine Ukwa Bantunse Bonse? (rs ibu. 336 ¶5–ibu. 337 ¶2)

June 8 Ukubelenga Baibolo: Ubwina Lebi 1-5

Na. 1: Ubwina Lebi 4:1-15

Na. 2: Bushe Tufwile Ukuitakisha pa Cili Conse? (lr icipa. 21)

Na. 3: f Bushe Abena Kristu Balingile Ukubomfya Shani Amaka Bakwata?

June 15 Ukubelenga Baibolo: Ubwina Lebi 6-9

Na. 1: Ubwina Lebi 8:1-17

Na. 2: ‘Bushe Walisumina mu Kundapa?’ (rs ibu. 337 ¶3-4)

Na. 3: Umulandu Tushilingile Ukubepela (lr icipa. 22)

June 22 Ukubelenga Baibolo: Ubwina Lebi 10-13

Na. 1: Ubwina Lebi 11:29-45

Na. 2: Umulandu Abantu Balwalila (lr icipa. 23)

Na. 3: Amapaalo Ayo Abasambi Babatishiwa Baipakisha

June 29 Ukubelenga Baibolo: Ubwina Lebi 14-16

Ukupitulukamo

July 6 Ukubelenga Baibolo: Ubwina Lebi 17-20

Na. 1: Ubwina Lebi 19:1-18

Na. 2: Bushe Bonse Twalikeleko mu Bufumu bwa Mipashi pa Ntanshi ya Kufyalwa Kwesu nga Bantunse? (rs ibu. 393 ¶3–ibu. 394 ¶3)

Na. 3: Wikaba Umupuupu! (lr icipa. 24)

July 13 Ukubelenga Baibolo: Ubwina Lebi 21-24

Na. 1: Ubwina Lebi 22:17-33

Na. 2: Bushe Abacita Ifintu Fyabipa Kuti Bayaluka? (lr icipa. 25)

Na. 3: Ifyo Abena Kristu Bene Bene Basakamana Abapiina

July 20 Ukubelenga Baibolo: Ubwina Lebi 25-27

Na. 1: Ubwina Lebi 25:39-54

Na. 2: Umulandu Cakosela Ukucite Fisuma (lr icipa. 26)

Na. 3: Nga ca Kuti Adamu Tabembwike, Bushe mu Kupelako Nga Aliile ku Muulu? (rs ibu. 394 ¶4-5)

July 27 Ukubelenga Baibolo: Impendwa 1-3

Na. 1: Impendwa 3:1-20

Na. 2: Umuntu Wafuuka Afwile Ukuba Uwailama, Mulandu Nshi?

Na. 3: Lesa Obe Nani? (lr icipa. 27)

Aug. 3 Ukubelenga Baibolo: Impendwa 4-6

Na. 1: Impendwa 4:1-16

Na. 2: Ifya Kwishiba Aba Kumfwila (lr icipa. 28)

Na. 3: Bushe Umuntu Afwile Ukuya ku Muulu pa Kuti Akabe ne Nsansa sha Cine Cine? (rs ibu. 395 ¶1-3)

Aug. 10 Ukubelenga Baibolo: Impendwa 7-9

Na. 1: Impendwa 9:1-14

Na. 2: Bushe Imitebeto Yonse Ilasekesha Lesa? (lr icipa. 29)

Na. 3: Inshila Tulangilamo Ukuti Tuli ba Cishinka Kuli Yehova

Aug. 17 Ukubelenga Baibolo: Impendwa 10-13

Na. 1: Impendwa 13:17-33

Na. 2: Ubwafwilisho bwa Kuleka Ukuba no Mwenso (lr icipa. 30)

Na. 3: Ni mwi Amashiwi Yaba Pali 1 Petro 3:19, 20 Yalola? (rs ibu. 395 ¶4)

Aug. 24 Ukubelenga Baibolo: Impendwa 14-16

Na. 1: Impendwa 14:26-43

Na. 2: Bushe Calola Mwi Ukutemwa Amafunde ya kwa Lesa? (Amalu. 119:97)

Na. 3: Ukwa Kusanga Icisansamushi (lr icipa. 31)

Aug. 31 Ukubelenga Baibolo: Impendwa 17-21

Ukupitulukamo

Sept. 7 Ukubelenga Baibolo: Impendwa 22-25

Na. 1: Impendwa 22:20-35

Na. 2: Ifyo Yesu Acingililwe (lr icipa. 32)

Na. 3: Ni mwi Amashiwi Yaba Pali 1 Petro 4:6 Yalola? (rs ibu. 395 ¶5)

Sept. 14 Ukubelenga Baibolo: Impendwa 26-29

Na. 1: Impendwa 27:1-14

Na. 2: Bushe Ukukonkomesha Kucita Shani, Kabili Mulandu Nshi Kwacindamina? (Efes. 6:4)

Na. 3: Yesu Kuti Atucingilila (lr icipa. 33)

Sept. 21 Ukubelenga Baibolo: Impendwa 30-32

Na. 1: Impendwa 32:1-15

Na. 2: Cinshi Cikacitika Nga Twafwa? (lr icipa. 34)

Na. 3: Bushe Ubumi bwa mu Muulu Lisubilo Lya Bena Kristu Bonse? (rs ibu. 396 ¶1-3)

Sept. 28 Ukubelenga Baibolo: Impendwa 33-36

Na. 1: Impendwa 33:1-23

Na. 2: Kuti Twabuuka ku Bafwa! (lr icipa. 35)

Na. 3: Ico Ubufumu bwa kwa Lesa Bwacilila Amabuteko ya Bantunse

Oct. 5 Ukubelenga Baibolo: Amalango 1-3

Na. 1: Amalango 2:1-15

Na. 2: Bushe “Icipingo Cipya” Calandapo Shani pa Bumi bwa Muyayaya pe Sonde? (rs ibu. 397 ¶1–ibu. 398 ¶2)

Na. 3: Ni Bani Bakabushiwa? Ni kwi Bakekala? (lr icipa. 36)

Oct. 12 Ukubelenga Baibolo: Amalango 4-6

Na. 1: Amalango 4:15-28

Na. 2: Ukwibukisha Yehova no Mwana Wakwe (lr icipa. 37)

Na. 3: Ni Lilali Twingalanda ukuti Ukukwata fye Utunono Kwawamapo? (Amapi. 15:16)

Oct. 19 Ukubelenga Baibolo: Amalango 7-10

Na. 1: Amalango 9:1-14

Na. 2: Umulandu Tulingile Ukutemenwa Yesu (lr icipa. 38)

Na. 3: Ni Banga abo Baibolo Yalandapo Ukuti e bakaba no Bumi ku Muulu? (rs ibu. 398 ¶3-4)

Oct. 26 Ukubelenga Baibolo: Amalango 11-13

Ukupitulukamo

Nov. 2 Ukubelenga Baibolo: Amalango 14-18

Na. 1: Amalango 15:1-15

Na. 2: Finshi Ifilangilila Akatiina Kuli Lesa?

Na. 3: Lesa Aibukisha Umwana Wakwe (lr icipa. 39)

Nov. 9 Ukubelenga Baibolo: Amalango 19-22

Na. 1: Amalango 22:1-19

Na. 2: Ifya Kulenga Lesa Ukusekelela (lr icipa. 40)

Na. 3: Bushe ba 144,000 baYuda ba Cifyalilwa Epela? (rs ibu. 398 ¶5–ibu. 399 ¶3)

Nov. 16 Ukubelenga Baibolo: Amalango 23-27

Na. 1: Amalango 25:1-16

Na. 2: Abana Abalenga Lesa Ukusekelela (lr icipa. 41)

Na. 3: g Ni Finshi Ifyo Tufwile Ukulamona Ukuti fya Mushilo?

Nov. 23 Ukubelenga Baibolo: Amalango 28-31

Na. 1: Amalango 30:1-14

Na. 2: Umulandu Tulingile Ukubombela Imilimo (lr icipa. 42)

Na. 3: Lisubilo Nshi Ilye “Bumba Likalamba” Ilyo Baibolo Yalandapo? (rs ibu. 399 ¶4-6)

Nov. 30 Ukubelenga Baibolo: Amalango 32-34

Na. 1: Amalango 32:1-21

Na. 2: Bushe “Ubushiku Ubukalamba Ubwa kwa Yehova” E Bushiku Nshi? (Sefa. 1:14)

Na. 3: Bushe Bamunyinefwe ne Nkashi ni Bani? (lr icipa. 43)

Dec. 7 Ukubelenga Baibolo: Yoshua 1-5

Na. 1: Yoshua 5:1-15

Na. 2: Abanensu Bafwile Ukutemwa Lesa (lr icipa. 44)

Na. 3: Bushe Ubufumu bwa kwa Lesa Cinshi? Ifya Kulanga Ukuti Tulebufwaya (lr icipa. 45)

Dec. 14 Ukubelenga Baibolo: Yoshua 6-8

Na. 1: Yoshua 8:1-17

Na. 2: Amenshi Yaonaula Icalo—Bushe Cikacitika na Kabili? (lr icipa. 46)

Na. 3: Mulandu Nshi Twingalandila Ukuti Ukufunda Kwaba Pali Lukala Milandu 7:21, 22 Kusuma?

Dec. 21 Ukubelenga Baibolo: Yoshua 9-11

Na. 1: Yoshua 9:1-15

Na. 2: Ifyo Twingeshiba Ukuti Armagedone Naipalama (lr icipa. 47)

Na. 3: Kuti Wacita Shani nga Ulefwaya Ukwisaikala mu Calo Cipya ica kwa Lesa ica Mutende? (lr icipa. 48)

Dec. 28 Ukubelenga Baibolo: Yoshua 12-15

Ukupitulukamo

[Amafutunoti]