Bushe Lyonse Mulamonapo pa Cipampa ca Fyebo?

Baeluda, ababomfi batumikila, na bambi abakwata imilimo mu cilonganino, balalolesha pa cipampa ca fyebo lyonse pa kuti beshibe ilyo bakalanda ilyashi nelyo ukubombako imilimo imo mu cilonganino. Lelo bonse fye mu cilonganino bafwile ukulamonapo pa cimpampa ca fyebo pantu palaba ifyebo ifyacindama. Bushe namwishiba ubushiku muli no kuwamya Ing’anda ya Bufumu? Bushe kangalila wa muputule nelyo aba ku musambo nabalembela icilonganino cenu kalata? Bushe namwishiba umutwe we lyashi lya ku cintubwingi ilya uno mulungu pa kuti muketeko abo musambilisha Baibolo? Bushe nabaalula inshita ya kulongana no bushiku nelyo ukukumana kwe bumba lya mulimo? Pali ino nshita, ifyebo ifingi pamo nga ifi balileka ukufibilisha pa kulongana, e lyo kabili baeluda nalimo te kuti bakumemo ukweba kasabankanya umo na umo. Kanshi lyonse tufwile ukulamonapo pa cipampa ca fyebo pa kuti tuleishiba ifyebo ifilipo. Nga tulemonapo pa cipampa libili libili, ifintu fyonse mu cilonganino fikalacitika “bwino bwino kabili ukwabula icimfulunganya.”—1 Kor. 14:40.