Bushe Mulabomfya Bwino Amakardi Apaba Webusaiti Yesu?

Apo ubucushi bukalamba nabupalama, tulingile ukulabombesha mu mulimo wa kubila imbila nsuma. (Amapi. 24:11, 12, 20) Tulingile ukulabomfya amakardi apaba webusaiti yesu pa kwafwa abantu ukusambilila Baibolo no kubomfya webusaiti yesu. Pali kardi paliba code iingatwala abantu apo bengatamba vidio itila Mulandu Nshi Mulingiile Ukusambilila Baibolo? Kabili paliba na apo balangilila abantu nga balefwaya ukusambilila Baibolo nelyo ukwishibilapo ifyebo na fimbi. Abantu bamo tabafwaya ukupoka impapulo shesu lelo balasumina ukuya pa webusaiti yesu. Kanshi tufwile ukubapeela iyi kardi apaba webusaiti yesu. Te kwesha ukupeela abantu abashilelanga ukuti nabatemwa ifyo tulelanshanya nabo.

Pa kuti mutendeke ukulanshanya no muntu ukuli konse uko mwingaba, kuti mwatila: “Pali ifyo ndefwaya ukumupeela. Pali iyi kardi paliba webusaiti yesu apo mwingasanga ifyebo na mavidio ayalekanalekana.” (Yoh. 4:7) Apo amarkadi yanono, kuti mulekwatako ayalinga ayo mwingapeela abantu pa nshita iili yonse.