Ifyo Abaupana Bengakosha Icupo Cabo

Abrahamu na Sara balitemwanene kabili balecindikana mu cupo cabo, kabili abaupana balingile ukubapashanya. (Ukute. 12:11-13; 1 Pet. 3:6) Lelo ici tacilepilibula ukuti tabalekwata amafya mu cupo cabo. Na kabili balekwata na mesho ayo baleshipikisha. Finshi abaupana bengasambilila kuli Abrahamu na Sara?

Mulelanshanya. Nga ca kuti abena mwenu bamweba amashiwi ayabi ninshi nabakalipa, muleba abafuuka pa kwasuka. (Ukute. 16:5, 6) Mulesangako inshita ya kuba pamo. Mulelanga ukuti mwalitemwa abena mwenu mu fyo mulanda na mu fyo mucita. Ne cacindamisha ca kuti mulingile ukulakosha bucibusa bwenu na Yehova ukupitila mu kulakwata amapepo ya lupwa, ukulapepela pamo, e lyo no kulalumbanya Lesa capamo. (Luk. Mil. 4:12) Ifyupo ifyakosa filalenga abantu bacindika Yehova, Katendeka wa cupo.

TAMBENI VIDIO ITILA IFYO MWINGALACITA PA KUTI MULEKOSHA ICUPO CENU, LYENA ASUKENI AMEPUSHO YAKONKAPO:

• Muli vidio twatamba, finshi fyacilanga ukuti ba Shaan na ba Kiara balilekele ukutemwana nga fintu batemwanene pa kubala?

• Mulandu nshi cacindamina ukuti abaupana balelanda ifili ku mutima ilyo balelanshanya?

• Bushe ifyo Abrahamu na Sara batemwanene ne fyo bacindikene mu cupo cabo fya-afwile shani ba Shaan na ba Kiara?

• Finshi ba Shaan na ba Kiara bacitile pa kuti bakoshe icupo cabo?

• Mulandu nshi baupana bashilingile ukulatontonkanisha ukutila te kuti bakwate amafya mu cupo?