Icitabo ca Kale Icafwa Abantu Muno Nshiku
Abantu abengi balicindika sana Baibolo pantu citabo umwaba ifya mapepo. Na lyo line, Baibolo tailanda fye pa fya mapepo, lelo ilalanda na pa fintu ifingalenga imikalile yesu ukuwaminako.
Moneni fimo ifyo bamo balanda pa fyo ukubelenga Baibolo no kucita ifyo ilanda kwabafwa.
“Ukukonka ifyo mbelenga muli Baibolo kwalilenga imikalile yandi ukuwama. Pali ino nshita naliba ne nsansa pantu ndatontonkanya pa fisuma kabili nshiba no bulanda.”—E fyalandile ba Fiona.
“Ukuisambilisha Baibolo kwalilenga naba ne nsansa.”—E fyalandile ba Gnitko.
“Imikalile yandi yaliwaminako. Pali ino nshita, nshikalila fye ukubomba, lelo ndakwatako ne nshita ya kuba pamo no lupwa.”—E fyalandile ba Andrew.
Aba twalandapo, bantu abanono fye pa bantu abengi abo Baibolo yayafwa. Na kuba, kwaliba abantu abengi mwi sonde lyonse abamona ukuti Baibolo ilabafwa mu fyo bacita cila bushiku.
Lekeni tulande pa fyo Baibolo yafwa abantu . . .
Ukukwata ubumi ubusuma
Ukuba ne nsansa
Ukulaumfwana bwino na balupwa ne fibusa
Ukwishiba ifya kubomfya bwino indalama
Ukuba na bucibusa busuma na Lesa
Ifyo twalalandapo fyalalenga twishibe ukuti Baibolo tailanda fye pa fya mapepo, lelo kuti yatwafwa na mu fyo tucita cila bushiku.