IFYO MWINGABA NE NSANSA NANGU IMITENGO ILEILAKO PA MUULU

Mufwile Ukusumina Ukuti Imitengo Ileilako fye pa Muulu

Nga ca kuti ifintu filekosa imitengo panono panono, limo te kuti mwishibe no kwishiba ukuti e fyo cili, maka maka nga ca kuti indalama mukwata nasho shilefulilako. Nomba nga ca kuti imitengo yaya pa muulu mu nshita inono, e lyo indalama mukwata shena shili fye cimo cine, kuti mwalasakamikwa no kuba no bulanda, maka maka nga mwalikwata no lupwa ulo musakamana.

Te kuti tubweshe imitengo ya fintu. Nomba nga twasumina ici icishinka ifintu kuti fyatuwamina.

UMULANDU UKUCITA IFI KWACINDAMINA

Abantu abasumina ukuti imitengo ya fintu ileilako fye pa muulu cilabangukila . . .

ukuba abatekanya. Nga natutekanya tulatontonkanya bwino kabili tulapingula bwino pa fintu.
ukukanacita ifingabaletelela. Ku ca kumwenako, kuti twailetelela nga twakana ukulipila indalama tulingile ukulipila, nelyo nga tuleonaula indalama.
ukukanaumana na balupwa pa mulandu ne ndalama.
ukulabomfya bwino indalama bakwata. Nga twacita ifi kuti twaleka ukupoosa indalama ku fintu ifishacindama sana.

IFYO MWINGACITA

Muleitemenwa ukwaluka. Nga ca kuti ifintu fyakosa sana umutengo mulingile ukucefyako ifintu mushita. Abantu bamo balatwalilila ukushita ifintu ifyo bashingakumanisha ukushita. Ne ci cilalenga ifintu fyabakosela sana, kabili balanaka sana. Nga ca kuti mwalikwata ulupwa kuti mwalasakamikwa pa fyo mwakulalusakamana. Nomba mufwile no kulaibukisha ukuti ico aba mu lupwa lwenu bafwaisha kulabalanga ukuti mwalibatemwa, no kulaba pamo nabo.

“Nani pali imwe uwingalundako umukono umo ku bumi bwakwe nga alesakamikwa?”—Luka 12:25.

“Mwilasakamikwa pa bushiku bwa mailo, pantu ubushiku bwa mailo bukaba na masakamika ya buko. Cila bushiku bulakwata amafya ya buko ayalinga.”—Mateo 6:34.

Nga ca kuti tulepoosa indalama ku fintu ifyo tushingakumanisha ukushita, kuti twalanaka kabili kuti twaba ngo muntu uuleowa ukulola ukulefuma amenshi