Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • g25 na. 1 amabu. 14-15
  • Muleibukisha Ukuti Ifintu Fikawama

Vidio mulefwaya tamuli

Mukwai yafilwa ukutambika

  • Muleibukisha Ukuti Ifintu Fikawama
  • Loleni!—2025
  • Utumitwe utunono
  • Ifipalileko
  • UMULANDU UKUCITA IFI KWACINDAMINA
  • IFYO MWINGACITA
  • BUSHE UBUFUMU BWA KWA LESA NI CINSHI KABILI FINSHI BUKACITA?
  • Baibo Ilalenga Abantu Baba ne Subilo
    Kuti Mwaba ne Nsansa Umuyayaya!—Icitabo ca Kusambililamo Baibolo
  • Baibo Ilalenga Abantu Baba ne Subilo
    Kuti Mwaba ne Nsansa Umuyayaya!—Tendekeni Ukusambilila Baibolo
  • Isubilo lya Kuti Ifintu Fikawama ku Ntanshi lya Cine
    Amalyashi Ayalekanalekana
  • Ifingalenga Twaba ne Subilo mu 2023—Finshi Baibolo Yalandapo?
    Amalyashi Ayalekanalekana
Moneni na Fimbi
Loleni!—2025
g25 na. 1 amabu. 14-15
Aba mu lupwa balemona impanga ilyo baleangalila pamo.

IFYO MWINGABA NE NSANSA NANGU IMITENGO ILEILAKO PA MUULU

Muleibukisha Ukuti Ifintu Fikawama

Bushe imitengo ya fintu ileya sana pa muulu, e lyo indalama mukwata shena tashilefulilako? Bushe mulasakamikwa pa fyo mwakulaisakamana no kusakamana ulupwa lwenu? Ifi nga e fyo caba kuti mwalasakamana pa fyo ifintu fikaba ku ntanshi. Nomba nangu ifintu fyafye shani, cisuma ukuba ne subilo.

UMULANDU UKUCITA IFI KWACINDAMINA

Abantu ababa ne subilo tabatontonkanya fye ukutila, kuti cawama ifintu nga fyaliko bwino. Lelo isubilo lilalenga balacita ifilenga ifintu fyabako bwino. Abafwailisha pa fintu basanga ukuti abantu ababa ne subilo. . .

  • balashipikisha sana

  • balaaluka nga ca kuti ifintu fya-aluka

  • balapingula bwino pa fintu kabili balaba ne mibele ilenga baba no bumi ubusuma

IFYO MWINGACITA

Ica kubalilapo, tontonkanyeni pa fyo Baibo ingamwafwa pali ino nshita. Baibo yalilanda pa fyo mwingacita pa kuti mwingaba ne nsansa nangu ca kuti imitengo ya fintu ileilako fye pa muulu. Nga mulecita ifyo ilanda kuti mwalapingula bwino pa fintu kabili kuti mwaishiba ifya kucita nga ca kuti mwakwata amafya ku ntanshi.

“Ukutontonkanya bwino pa fintu kukakulinda, Kabili ukwiluka kukakucingilila.”—Amapinda 2:11.


Icalenga bubili, tontonkanyeni pa fyo Baibo ilanda ukuti e fyo ifintu fikaba ku ntanshi. Nga mwaishiba ukuti amano ayo Baibo itupanda yalabomba, mwakulafwaya no kwishiba ifyo ilanda pa fikacitika ku ntanshi. Ne ci cikalenga mukeshibe ukuti Lesa alafwaya “ukumupeela inshita ya ku ntanshi iisuma ne subilo.” (Yeremia 29:11) Mukeshiba no kuti ilyo Ubufumu bwa kwa Lesa bukalateka isonde, ifi fikacitika nangu cikabe shani.

BUSHE UBUFUMU BWA KWA LESA NI CINSHI KABILI FINSHI BUKACITA?

Ubufumu bwa kwa Lesa buteko bwa ku muulu ubukalateka isonde lyonse. (Daniele 2:44; Mateo 6:10) Ilyo bukalateka ukucula no bupiina fikapwa. Abantu bonse bakalaikala mu mutende kabili bakakwata fyonse ifyo bakabila pa kuti bengaba ne nsansa. Moneni fimo ifyo Baibo yalanda.

“Ukaba ne nsansa kabili ifintu fikakuwamina.”—Amalumbo 128:2.

Abakaba mu Bufumu “tabakaculile apa fye.”—Esaya 65:23.

“Ingano shikafula nga nshi pano isonde.”—Amalumbo 72:16.

Abantu abengi sana balicetekela ifyo Baibo ilanda pantu balishiba ukuti uwatulaya ni “Lesa uushingabepa.” (Tito 1:2) Tulemukoselesha na imwe ukuti mutendeke ukusambilila Baibo. Nga mwacita ifyo mukakwata isubilo ilikalalenga mukaleshipikisha ilyo imikalile ikosele kabili mukeshiba ukuti ifintu fili no kuwama.

Ba Ramaz.

“Ifyo nasambilila mu Baibo fyalilenga naishiba ukuti amafya ayaba mu calo yali no kupwa. Ne ci cilalenga ndeshipikisha ilyo imitengo ya fintu ilebipilako.”—Ba Ramaz,aba ku Georgia.

ISHIBILENIPO NA FIMBI

Bushe mulingile ukucetekela ifyo Baibo ilanda pa fikacitika ku ntanshi? Tambeni vidio itila: Bushe Kuti Twashininkisha Shani Ukuti Ifyo Baibolo Ilanda fya Cine? ne itila Bushe Ubufumu bwa kwa Lesa ni Cinshi? Pa jw.org/bem.

Umwanakashi alebula Baibo apo babika amabuuku.
    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi