ICUPO
Nani watendeke icupo?
Bushe Umwina Kristu alingile ukuupana no muntu wa musango shani?
Cinshi Abena Kristu ba cine bashilingile ukusuminishisha umwana wabo ukuupana no muntu uushaipeela kuli Yehova kabili uushabatishiwa?
AMALYASHI YA MU BAIBO AYO TWINGASAMBILILAKO:
Ukt 24:1-4, 7—Ilyo Abrahamu akulile, alilefwaila umwana wakwe Isaki umukashi pa bantu abalebombela Yehova, te pa bena Kanaani abalepepa tulesa tumbi
Ukt 28:1-4—Isaki aebele umwana wakwe Yakobo ukuyaupila mu bantu abalepepa Yehova, te mu bena Kanaani
Bushe Yehova omfwa shani Umwina Kristu nga aupana no ushibombela Yehova?
AMALYASHI YA MU BAIBO AYO TWINGASAMBILILAKO:
1Is 11:1-6, 9-11—Yehova alifuliilwe Imfumu Solomone pantu tayakonkele ifyo ayebele ukuti tayalingile ukuupa abanakashi abena fyalo, kabili yalilekele balenga yalapepa utulubi
Neh 13:23-27—Nehemia uwali intungulushi kabili uwalepashanya Yehova alifulilwe nga nshi ilyo abaume abena Israele baupile abanakashi abashalepepa Yehova, kabili alibalungike no kubasalapula
Mulandu nshi cacindamina ukusala uwakuupana nankwe uubombela Yehova ne cishinka kabili uwapanga ishina ilisuma?
Moneni na Ef 5:28-31, 33
AMALYASHI YA MU BAIBO AYO TWINGASAMBILILAKO:
1Sa 25:2, 3, 14-17—Nabali ali mukankaala, lelo ali munkalwe kabili tali umulume umusuma kuli Abigaili
Amp 21:9—Nga tatusalile bwino uwakuupana nankwe, te kuti tube ne nsansa no mutende
Ro 7:2—Umutumwa Paulo alondolwele ukuti umwanakashi nga aupwa, umulume wakwe uushapwililika euba umutwe wakwe; kanshi alingile ukubikako sana amano ilyo alesala uo engopwako
Ifyo mwingaipekanya nga mulefwaya ukuupa nelyo ukuupwa
Cinshi umwaume alingile ukupekanishisha ifyo akalasunga ulupwa lwakwe ilyo ashilaupa?
AMALYASHI YA MU BAIBO AYO TWINGASAMBILILAKO:
Amp 24:27—Ilyo umwaume ashilaupa no kutendeka ukukwata abana, afwile ukubombesha pa kuti apekanye ifyo akalasakamana ulupwa lwakwe
Cinshi abaleishishanya balingile ukulekela abantu bambi balebapandako amano kabili cinshi balingile ukubikila sana amano ku kwishibana bwino ukucila ukubika amano ku fyo uo balefwaya ukuupana nankwe amoneka?
AMALYASHI YA MU BAIBO AYO TWINGASAMBILILAKO:
Ru 2:4-7, 10-12—Boasi alishibe bwino Ruti pantu alemona ifyo alebombesha, kabili aleumfwa ifisuma ifyo abantu acetekele balelanda pali ena, ifyo aleumfwana no lupwa lwakwe, e lyo ne fyo atemenwe Yehova
Ru 2:8, 9, 20—Ruti alishibe bwino Boasi pantu alemona ifyo ali ne cikuuku, ifyo ali na bukapekape e lyo ne fyo atemenwe Yehova
Cinshi Yehova afwaila ukuti abaleishishanya nelyo abakobekelana baisunga abasanguluka?
AMALYASHI YA MU BAIBO AYO TWINGASAMBILILAKO:
Amp 5:18, 19—Ifya kulangilamo icitemwiko fimo, bantu baupana fye e balingile ukuficita
Uln 1:2; 2:6—Ilyo kacema no mukashana umwina Shulamu baleishishanya, tabalelanda nelyo ukucita ifyali no kulenga bakowela
Uln 4:12; 8:8-10—Umukashana umwina Shulamu alitwalilile ukuba uwasanguluka kabili aleilama; ali nge bala ilyo bacingilila
Cinshi abaleishishanya balingile ukuupanina ukulingana na mafunde?
Imilimo umulume akwata
Milimo nshi iikalamba iyo umulume akwata?
Nani umulume Umwina Kristu alingile ukulapashanya ilyo aletungulula ulupwa lwakwe?
Cinshi umulume alingile ukulailukila no kulacita ifilanga ukuti alitemwa umukashi wakwe?
AMALYASHI YA MU BAIBO AYO TWINGASAMBILILAKO:
Ukt 21:8-12—Yehova aebele Abrahamu ukuti omfwe ifyo umukashi wakwe Sara alemweba, nangu ca kuti tafitemenwe
Amp 31:10, 11, 16, 28—Umulume wa mwanakashi wa mano uo balandapo muli ifi fikomo, aleleka umukashi wakwe aleitungulula muli fimo kabili talefwailisha ifilubo; lelo alicetekele umukashi wakwe kabili alemutasha
Ef 5:33—Amashiwi umutumwa Paulo alandile yalanga ukuti umukashi afwile ukwishiba ukuti umulume wakwe alimutemwa
Umulimo umukashi akwata
Mulimo nshi uwacindama uo Yehova apeela umukashi Umwina Kristu?
Bushe umulimo umukashi akwata mu lupwa tawacindama?
AMALYASHI YA MU BAIBO AYO TWINGASAMBILILAKO:
Amp 1:8; 1Ko 7:4— Lesa alipeelako abakashi na bafyashi abanakashi amaka yamo mu lupwa
1Ko 11:3— Umutumwa Paulo alondolwele ukuti bonse fye twalikwata abafwile ukututungulula, ukufumyako fye Lesa wa Maka Yonse
He 13:7, 17 — Abaume na banakashi mu cilonganino balingile ukulaumfwila abo bapeela umulimo wa kutungulula
Bushe Umwina Kristu uwaupwa ku uushipepa Yehova, kuti alenga shani Yehova alasekelela?
Cinshi umukashi Umwina Kristu alingile ukulacindikila umulume wakwe?
AMALYASHI YA MU BAIBO AYO TWINGASAMBILILAKO:
Ukt 18:12; 1Pe 3:5, 6—Sara alecindika sana umulume wakwe ica kuti alemumona ukuti ni “shikulu” wakwe nelyo umutwe wa lupwa
Mukashi wa musango nshi uo batasha mu Baibo?
AMALYASHI YA MU BAIBO AYO TWINGASAMBILILAKO:
Ukt 24:62-67—Rebeka alicitile ifyasansamwishe umulume wakwe Isaki ilyo banyina bafwile
1Sa 25:14-24, 32-38—Abigaili alipuswishe umulume wakwe umuwelewele na ba mu ng’anda yakwe ilyo apaapeete Davidi ukuti ababelele uluse
Est 4:6-17; 5:1-8; 7:1-6; 8:3-6—Pa miku ibili, Namfumu Estere alibikile ubumi bwakwe mu kapoosa mweo ilyo aile mu kumona umulume wakwe pa kuti apaapaatileko abantu ba kwa Lesa pa kuti bebepaya
Ifyo abaupana bengapwisha amafya
Mashinte nshi aya mu Baibo ayo abaupana bengabomfya pa kupwisha amafya mu cupo?
Mashinte nshi aya mafunde ayo abaupana bengabomfya pa kuti balebomfya bwino indalama?
Lk 12:15; Flp 4:5; 1Ti 6:9, 10; He 13:5
Moneni na paleti “Indalama”