Cinshi Baibolo Isambilisha?

Bushe Lesa e ulenga tulecula?

Bushe kuti mwatila?

• Ee

• Awe

• Nalimo

Ifyo Baibolo ilanda

“Lesa wa cine te kuti acite ifyabipa, Uwa Maka Yonse te kuti afyenge umuntu nakalya!” (Yobo 34:10) Lesa te ulenga ifyabipa e lyo no kucula ifyo tumona mu calo.

Finshi fimbi ifyo tusambililako ku fyo Baibolo ilanda?

• Satana Kaseebanya, “kateka wa ici calo,” e ulenga tulecula.—Yohane 14:30.

• Ifyo abantu basalapo ukucita na fyo filalenga ilingi line tulecula, ne fyabipa filecitika.—Yakobo 1:14, 15.

Bushe ukucula kukatala akupwa?

Abantu bamo basumina ukuti ukucula kuti kwapwa nga ca kuti abantu babombela pamo, e lyo bambi bamona kwati ifintu fya kulabipilako fye muno calo. Muletipo shani?

Ifyo Baibolo ilanda

Lesa akafumyapo ukucula. “Imfwa tayakabeko na kabili, takwakabe no kuloosha nangu ukuteta nangu ukukalipwa na kabili.”—Ukusokolola 21:3, 4.

Finshi fimbi ifyo tusambililako ku fyo Baibolo ilanda?

• Lesa akeba Yesu ukufumyapo ukucula uko Satana Kaseebanya aaleta.—1 Yohane 3:8.

• Abantu abacita ifyo Lesa afwaya bakekala umuyayaya pano calo mu mutende.—Amalumbo 37:9-11, 29.