Bushe Muli Lesa Umo Mwaba Abene Batatu?

Icasuko ca mu Baibolo

Mu macalici ayengi basambilisha ukuti muli Lesa umo mwaba ba Lesa batatu. Lelo icitabo ca Encyclopædia Britannica citila: “Mu Cipingo Cipya tamwaba amashiwi ya kuti muli Lesa umo mwaba abene batatu . . . Ici icisambilisho catendeke panono panono na pa numa ya myaka iingi calikosele, e lyo na bantu balekansaninapo.”

Na kuba, Baibolo tayalandapo ukuti muli Lesa umo mwaba abene batatu. Umfweni ifyo Baibolo yalanda muli aya amalembo:

“Yehova Lesa wesu ni Yehova umo.”—Amalango 6:4.

“Imwe mweka, mwe bakwata ishina lya kuti Yehova, ni mwe Mwapulamo pano isonde ponse.”—Amalumbo 83:18.

“Nomba pa kuti babe no mweo wa muyayaya, kano baishiba imwe mwe Lesa wa cine mweka, na Yesu Kristu uo mwatumine.”—Yohane 17:3.

“Lesa aba fye umo.”—Abena Galatia 3:20.

Cinshi mu macalici ayengi basambilishisha ukuti muli Lesa umo mwaba abene batatu?