Rofyor Rya Wamewer Wakenem Wer

Rupa ra, Sallya ḇeraker Amerika Serikat. Rim ḇeba nafnak nana ḇyena rawo napromes kam. Doḇe, ”Yaḇor yaḇerari, yapok ḇa kwar. Ro ras ḇe ras imbe yamar kabor.”

Mboi na moḇsa ḇaḇir rai rofyor snonkaku waswar kaku ryobur Au? Janice ḇeraker Australia, ikofen ḇo doḇe, ”Fafisu roma ayesuya surobur aya, sanerine ikar kaku. Yor ḇe Manseren I ḇo yoḇe, ’Wafnoḇek aya kukro yapok ḇa kwar! Yamar mura. Yamewer yakenem werdi.’”

Daniel i kako sneri ikar kaku kukro swari ifrar ibur i. Doḇe, ”Rofyor swa yedi doḇe nya snon oso ḇese kwar, rya sḇuk inoi fa siwankir sanerine. Roi nane nafnai fa yaduf fafayaḇa ro swaf kawan kaku.”

Syap Baryas ine ikofenḇair snar na wasmai payamyum kaker ro kenem ine rofyor

• Rim ḇeba nkur Au

• Snonkaku waswar ya imar

• Swambri dun oso ḇese

• Waduf marḇak

• Rya wapok ḇa kwar

Inja, rwama kawos ḇepon, rofyor rim ḇeba nkur ko ido na moḇsa koḇerai?