Kakaku kuker Allah Karajan Ḇyedi
Yesus fyarkor manfamyan ḇyesi fa sinadi radine, ”Kma nkobedi ro boiyaswa, Nkofasren Snomḇri kada, [Karajan] Bedi ryama kada, Marisen bedi ryarirya kada Ro supswan ine imnis ro boiyaswa.” (Matius 6:9, 10) Karajan Allah ido rosairirya? Rosai na ifrur ya? Ma rosai ḇefnai fa koḇenadi faro Karajan ine?
Yesus iso Raja ro Allah Karajan Ḇyedi.
Lukas 1:31-33: ”Nwiriḇe Yesus. Nari romawa ani iba ma nari sapiḇe Rumkun Allah ḇekaki syadi. Ma Manseren Allah nari ḇyuk faroi, karapesa nasan Daud, kpu ḇyedi, ma nari ḇye wairek faro Yakub kpu ḇyesi, isof fyoro-fyoro, ma nasan ḇyedi ipok imnaiḇa.”
Karajan ine iso ḇeknam ro Yesus awawos ḇyena ro fararur ḇesren ḇyena.
Matius 9:35: ”Yesus Imbran yar ḇe mnu nakam; Ḇyuk farkarkor ro rum nadi ma ḇyaryas Ankankinem Ḇeḇye ro [Karajan] ma iyaw dafduf ma papipen nakaem.”
Yesus ikofenḇair aḇyair faro manfamyan ḇyesi fa sifawi fafisu risai Karajan ani ryamuma ya.
Matius 24:7: ”Snar er nari sikḇawes sisampum er ḇese, ma ḇaḇesasoser sisampum ḇaḇesasoser ḇese na. Nari basbiser isya ma rim ḇeba nmun ro moḇ nabor.”
Baboine Yesus manfamyan ḇyesi sḇaryas Karajan ine ro supswan ḇesiper.
Matius 24:14, (NW): ”Ma ankinem ḇepyum kuker Karajan ine nari sḇaryas na ro supswan ine ḇesiper, insama ḇyesaksi faro er syakam, insape papupes ya ryama.”