Fakamaman Koḇena fa Koḇawes ma Kofaduru Moḇ Ibadat Ḇekaku ya

Ḇaḇawes bait ro Israel nefandun fararur ma pipi nabor. Imbape, snonkaku Israel sya sbuk farfnoḇek kuker raryaḇ. (1Taw 29:2-9; 2Taw 6:7, 8) Rofyor bait ya ḇeḇeḇawes kwar, nyan fa snonkaku Israel sya sfaduru bait ine nfasnaḇair ḇaḇesyowi sena faro moḇ fa senadi ḇe Yahwe I. (2 Raj 22:3-6; 2Taw 28:24; 29:3) Ro baboine, snonkaku Kristen sya sbuk oras ma fararur nabor fa siḇawes, sifrur sren, ma sfaduru Balai Karajan ma Balai Kebaktian. Ḇape, fararur kayam kuker Yahwe ro nyan ine iso fakamaman ḇepyum kaku ro ḇar ro fararur ḇesren koḇedi.​—Mz 127:1; Pny 7:15.

NA KOFRURNA RO . . .

• 

  Kofasos kaḇer moḇ ya rofyor fananjur ya posa. Wasma oras nabor ido, ipyum kaku fa wafasos kaḇer moḇ kwain ro ya.

• 

  Koso kayam fa kofrur sren ma kofaduru Balai Karajan ro ras ḇe ras. Fararur kayam ine na nbuk mararasrisen ma raryaḇ.​—lv–IN 92-93 ¶18.

• 

  Kobuk farfnoḇek kuker pipi. Syadiwer farsarser ’remis risuru isoine sen oser’ kobukna kuker sne ḇesiper na nafrur Yahwe sne ḇyedi imarisen.​—Mrk 12: 41-44.

• 

  Kosma swaf ḇepyum ido na kofnoḇek kuker sne ḇemarisen fa koḇawes ma kofrur mnis kaḇer moḇ-moḇ faro fandandun teokratis. Fandun ḇa fa koḇekir syadi ro ḇaḇawes rum ya fa koso kayam ro fararur ine.