Roma Inai Babo​—’Mkomyaren Mkofrur Roi Ḇeḇye’

Fafisu Manwawan Paulus fyas syapram ḇe Titus, doḇe roma babo sya ma Titus i kako, fandun fa ’sbenyan ḇefasna kankenem ḇeḇye’ ro roi ḇebor kam. (Tit 2:6, 7) Fyas kako, Yesus fyasren Yahwe kawasa Ḇyesi kwar fa ’simyaren sifrur roi ḇeḇye’. (Tit 2:14) Roi ḇeḇye anna oser ya iso koḇaryas ma koḇuk farkarkor kuker Allah Karajan Ḇyedi. Auma roma ḇaido inai babo disau ido, na buk samambraḇ Bena fa wakfarmyan ḇe perintis ekstra ḇaido perintis biasa ke?​—Ams 20:29.

Wamarisen wakfarmyan ḇe perintis ido, wafrur ḇepon aw Bena. (Luk 14:28-30) Imnis raris, fafisu wakḇe perintis moḇsa na wakfamfon fandandun mankun Bena rai? Rariso buk oras ro fararmyan imnis sor ro perintis sya rai? Ḇenadiwarek roi ine ma wor fafnoḇek ro Yahwe I. (Mz 37:5) Wakofenḇair aw Bena ḇe sinan ḇesuya ma sia ḇefarmyan fyoro kwar ḇe perintis. Mura swewar fa wafrur imnis aw Bena. Yahwe nari ḇyebarakas sasewar Bena fa wafarmyan ḇe I!

MAM VIDIO ROMA INAI BABO ḆESYOWI YAHWE I SYA, RAMNAI KWAREM FAKFUKEN ḆEUSER NANE:

• Roma inai babo ḇemarisen ḇefarmyan ḇe perintis sya samswen risai sismai na, ma rariso sifrur mnis na rai?

• Rariso sinan sesi sifnoḇek si insama sisun ro fararur printis biasa?

• Rosai ḇefnai fa fasos mnis oras Bena fa ḇaryas ima fyandun kaku?

• Rariso naek srar ḇero sidang sisambraḇser ma sifnoḇek perintis sya rai?

• Ḇefarmyan ḇe perintis sya barakas rosai sismai na?