Koḇekir Syadi Ro Fararmyan Koḇena​—Koḇaryas Roro Interkom ma Kamera

FANDUN YA: Baboine teknologi nemaju ḇaido necanggih kwar, ma snonggaku ḇefrur roi ḇeḇyeḇa sibor kaku. Nafrur fa snonggaku sya srir kamera CCTV ḇaido interkom (roi sḇukidawos) ro rum sena. Imbude roi ine nafrur koḇeḇirḇar rofyor imbe kokofenḇair abar ḇepyum ḇe snonggaku ro rum sena snar komam si ḇa mboi bisa smam ko. Swarapepen ḇeuser nane nari nafnoḇek ko fa koḇaryas kuker koḇuk roiebor srir nane kuker makak ḇa.

MOḆSA KOFRUR NA RAI:

• Kona kakara ḇepyum. Ḇena rum sya srir kamera ḇaido interkom fa sḇukidawos kuker ko

• Koswarepen kamera ḇeḇeso bisa nerekam ḇeri rofyor kopanepen bel na ḇaime. Ḇena rum ya imbude myam ma ryower ko kwar rofyor koisya ro ḇarpon kedwa rum ḇyedi

• Rofyor ḇena rum ya kyarem ko, kawos ḇeri ro interkom ḇaido kamera imnis ra kawos kwar kuker i ḇeri. Kombrif yoḇ i ma kawos rosai imbe kawosna. Wakofen monda rosai imbe wawos na, rofyor isya ro kedwa ḇarpondi. Rofyor srir kamera ido, fanam awer kamera ani. Rofyor ḇena rum ya kyarem ḇa ido, wapok wawos roi oso awer ro interkom ani.

• Rofyor kawos kwar, koswarepen kaku ḇena rum ya nari myam ma ryower kaker roi kawosna