Buk Syap Wasmai Payamyum Ḇekain Fyoro! fa Bukisambraḇser Kakyar Bena faro Yahwe ma Yesus Su

Insama ḇefarkor Refo ifrur Allah imarisen, fandun fa syambraḇser kakyar ḇyena. (Ibr 11:6) Kuker kobuk syap Wasmai Payamyum Ḇekain Fyoro!, bisa nsun ro sisnesna. Syap bukfarkor ine nfasnai mnuk-mnuk ḇeknam ro Refo, roi sbukifasnai na nasnaibos, fakfuken napyamdam, vidio ḇesambraḇser nasya, ma sonin ḇepyum nasya. Roi nane bisa nafnobek ḇefarkor ani fyasnai rari-rari Kristen ḇepyum ma nya wis kuker Yahwe, inja kosambraḇseri kuker kobuk roiebor ḇepok ḇenanem ro for ḇa.​—1Kor 3:12-15.

Snonggaku riḇeso soḇe samswen fa skara sḇebati kuker Allah, smam ḇa ya. Inja, fandun fa kofnoḇek si fa smambir Yahwe I ma sikyar faro I.

MAM VIDIO FARKOR SYAP ”WASMAI PAYAMYUM ḆEKAIN FYORO!” FA BUKISAMBRAḆSER KAKYAR BENA FARO YAHWE RAMNAI KWAREM FAKFUKEN-FAKFUKEN NANE:

• Moḇsa kofawi imbesrar ani ifrur fasasos ḇepyum fa fyarkin farkarkor ani?

• Moḇsa imbesrar ani byuk fakfuken riḇeso fa ifnoḇek ḇefarkor ani fa kyara mnuk ḇero Yesaya 41:10, 13?

• Moḇsa vidio ma mnuk-mnuk ḇero Refo ine nbuk payamyum ḇe ḇefarkor Refo ya?

Snonggaku ḇebor sifawi pyum farsarser fasaspar ine ḇa ḇaido skara roi ḇepyum Allah byuk ine faro si ḇa. (Gal 2:20) Inja, fandun fa kofnoḇek si fa sisambraḇser kakyar sena faro farsarser fasaspar Yesus ḇyedi.

MAM VIDIO FARKOR SYAP ”WASMAI PAYAMYUM ḆEKAIN FYORO!” FA BUKISAMBRAḆSER KAKYAR BENA FARO YESUS RAMNAI KWAREM FAKFUKEN-FAKFUKEN NANE:

• Rariso kofawi naek ani fyasos pyum farkarkor ani?

• Moḇsa ifrur mnis farkarkor ro ”Swewar Nabor Wer” fa ifnoḇek ḇefarkor ani?

• Rosai ḇefnai fa koḇenadi kayam kuker ḇefarkor ani ima fandun kaku?