Buk Syap Wasmai Payamyum Ḇekain Fyoro! ro Fararmyan Bedi

Komarisen kaku kosmai brosur ma syap ḇebabo ḇefnoḇek ko fa kofarkin farkarkor Refo! Koḇenadi kako insama Yahwe ḇyebarakas sasewar koḇena fa kofrur snonggaku ḇebor sya fa sḇe manfamyan. (Mat 28:18-20; 1Kor 3:6-9) Moḇsa kobuk syap ine rai?

Fyor kobuk syap Wasmai Payamyum Ḇekain Fyoro!, fandun fa kofadwer nyan koḇukifarkor na. Koso akurfasnai nane fyor kofasos ma kofarkin farkarkor Refo ya.a

• Wawasya farkarkor ḇyena, ma wawos fakfuken ḇyena

• Wawasya mnuk-mnuk ḇena fasfas ”kowasya”, ma wafnoḇek ḇefarkor Refo ya fa ifawi fainda ḇyena ḇe i

• Fasnai vidio ya ramnai wawos fakfuken ḇero dia na

• Fyor mufarkor ya ḇesewar fa wawos farkarkor oser fa ibro

Rofyor wabaryas ya, buk brosur ani ḇepon fa bukmam snonggaku ani imarisen ke roḇa. (Mam ro kotak ”Nyan Buk Brosur Wasmai Payamyum Ḇekain Fyoro! ro Rarama Randak.”) Fyor ḇefarkor Refo imnai ro brosur ani kwar, ma imarisen kaker ido, buk syap ani ma mufarkor wer ro farkarkor 04. Ausya farkin farkakor Refo kuker syap Refo Fyarkor? ḇaido Allah Iswar Ko, fadwer naḇe syap Wasmai Payamyum Ḇekain Fyoro! ma wap farkarkor ḇeḇe fis nari muwawos na.

MAM VIDIO RARAMA ḆEḆYE RO FARKARKOR REFO BENA, RAMNAI KWAREM FAKFUKEN-FAKFUKEN NANE:

• Rosai nari ḇefarkor Refo ani fyarkor ro syap ḇebabo ani?

• Rosai ḇefnai kaku fa fasnai vidio ine ḇe ḇefarkor Refo babo Bedi?

• Rosai wamarisen fa ḇefarkor Refo Bedi ḇyesewar kaku ma ifrur na?​—Mam tabel ”Wawosḇair ma Wafrur Roi Nane Wer faro Bar Oser-Oser.”