Nyan fa Koḇuk Wamnaf Allah

Brosur Wamnaf Allah naser sonin ḇebore, ine sifrurna fa nfasnaiḇair napnapes ḇeknam ro Refo faro snonkaku ḇefawi ḇewasya mnis ḇa sya. Farkarkor oser-oser nya ram risuru ḇefo kuker sonin sfasos pyumna ma sifrur aḇyair ḇekur ḇe sonin oso ḇe sonin ḇeuserya wer.

Brosur Wamnaf Allah Insama Wakenem Fioro sonin ḇyena namnis kuker brosur Wamnaf Allah. Ḇape naser fasfas nabor syadi ma ine bisa koḇukifyarkor kayam kuker ḇewasya mnis sya. Manḇaryas sya simarisen syadi sḇukna fa sḇukifyarkor rofyor ḇefarkor ya ḇyuk brosur Wamnaf Allah. Ḇefarkor ya syambraḇ ido, bisa muwawos kotak ḇeser anun ḇewarpu.

Sap kwar paik oso fa buk brosur ine ro ḇaḇeḇaryas rariryano, bisa bukna ro fafisu risai monda. Rofyor farkin farkarkor Refoya ido, buk sonin fa fasnaiḇair fawar ḇero Refo. Buk fakfuken fa ḇefarkor ya daksowarpu insama bukimam ifawi kwar ke roḇaime. Wasya ma wawos mnuk-mnuk ḇero sop ya. Rofyor fyarkorpres brosur ine kwar ido, fyarkor pdef kuker syap Apa yang Sebenarnya Alkitab Ajarkan? ḇaido Rosai Refo Fyarkor Ḇeko? insama nafnoḇek i fa isur ro rurya isof ro ḇyebaptis.