Saksi-Saksi Yahwe Soḇe Komam Awer Felem, Syap, ḇaido Korower Dow Ono Ke?

Aroḇa. Organisasi nggoḇedi sekukeḇ roi ḇero felem, syap, ḇaido dow ono ḇa insama sifrur akurfasnai ḇekur rosai na sipok siwasya ḇaido smam awer na. Sai ḇefnai ya?

Refo ya danun faro snonggaku oser-oser fa sna ’fawawi ḇepyum’ insa sifawi smambir kwar roi ḇeḇye ma roi ḇeḇarḇor na.​—Ibrani 5:14.

Refo ya kako fyasos wos farkin na ḇefnobek snonggaku Kristen sya rofyor skinfir hiburan na.a Imnis ra roi ḇese kofrur ro ras-ras na, ro roi ine kako na ’sesewar fa smamḇaḇir’ rosai Yesus imarisen na.​—Efesus 5:10.

Refo ya ikofen snar ḇebukor ro kina nya papoik ono faro kina ḇyesi. Inja, ḇebukor ro kina nya hak fa dapḇair hiburan ḇemnis rariso na kina sesi sipok smam awer na. (1 Korintus 11:3; Efesus 6:1-4) Imbape, snonggaku ḇesesyama na sipok sapḇair faro ko ḇa felem, dow, ḇaido artis minsai ḇesrow faro Saksi-Saksi Yahwe.​—Galatia 6:5.