FAKFUKEN 7

Rofyor Bati Yedi Idif Aya fa Nufrur Fararur Farbuk Ido Rariso Yapampumna Rai?

ROSAI ḆEFNAI FA INE FANDUN

Snemuk Bedi kuker fararur farbuk nari nawyae kankenem Bedi ro fafisu iyama.

**IḆYE KADA ROSAI FANDUN FA WAFRUR YA?**

Kwarapan fawar ine: Heni ma Markus suna kabrai saswar ro paik risuru kwar, ḇape ḇyaḇir ifawi fyoro i kwar. Sufarem sms ro ras ḇe ras, suḇe telfonyae su kawan kaku, marisen suḇena namnisyae! Ḇape Markus imewer suyawawos monda mboi imarisen fa kabrai saswar suḇenane napyum syadi.

Ro swaf paik risuru ani, Heni ma Markus sukfin subrasna ma susyumyae su bo sumbran kayam. Heni imewer ifrur roi ḇesyadi ro roi ine wer. Snar imewer Markus iburi. Snar ḇyaḇir Markus monda iso ḇekofen ima idoser ma iḇese ro bin ḇesesya. Ma, dawos ro mankundi, ’Markus ma aya nuswaryae nu . . . ’

Ḇeumur kwar fa imbe swewar snon ḇaido bin syowi Bedi ma fafisu Bedi imnis kuker Heni ido, rosai nari wafrur ya?

WAMNAI MA KWARA!

Sansun oso sḇukipyos roi ḇepapos — Farbuk ine Allah ḇyukna faro snonkaku ḇefakawin kwar sya. Inja sifrur farbuk rofyor sfakawin ḇaim ine nfasnaḇair sesyowi rosai Allah ḇyuk ine ḇa. Ine imnis ra sḇuk sansun ḇepyum kaku ḇe Au mboi wunna fa bukipyos roi ḇepapos

Rofyor pampum sasoser fisika, raris sasoser gravitasi, nari wasmai roi ḇesamswen. Nane namnis kuker wapampum sasoser kuker moral na, imnis raris rosai Refo fyasnaḇair na, ”mkofrur farḇuk awer.”—1 Tesalonika 4:3.

Bon rosai nari kosmaina rofyor kosouser faro parenta ani ḇa? Refoya doḇe: ”Snonkaku ḇefrur farbuk, irya ifrur sasar faro mankundi baken ḇyedi ḇardi.” (1 Korintus 6:18) Rosai ḇefnai fa roi nane nkaku?

Ḇefawinanem sya soḇe roma inai babo ḇefrur fararur farbuk sya sismai oser ḇaido syadi ro bon ḇeḇyeḇa imnis ro ḇaḇ ine.

STRES. Roma inai babo ḇefrur fararur farbuk rofyor sefakawin ḇaim sya, ḇarpur ya insape sifafko.
KAYARYAR ḆA. Rofyor sufrur fararur farbuk kwar, su oser-oser insape sukandor, ’Kuker manseiso na ifrur fararur farbuk ine wer?’
FAFAFKO. Inai bebor sya simewer skinfir snon ḇefarfnak si monda mboi simarisen skinfir snon ḇemamwarek si. Ma, snon sya simewer faro bin ḇemarisen ḇedembuk.
Ḇefandun syadi ya iso: Rofyor wasapi ro fararur farbuk, ima wafrur mamyai mankundaw ma snonsnon ḇepyum Bena nandebur Au. (Roma 1:24) Baken Bedi ḇyesyowi syadibur ro buk ḇe roi ḇeḇyeḇa na!

Fasnaḇair snar Auma bisa fa pampum fararur farbuk ya. (1 Tesalonika 4:3) Ramnai, ro fafisu oso fakawin kwar ido, insape bisa fa wafrur farbuk ine. Ma nari wasmai marasrisen ro na, kuker ḇebirḇar ḇa, fafko ḇa, ma sneḇaḇir ḇeknon ḇa raris snonkaku sya sismai snar sifrur fararur farbuk rofyor sfakawin ḇaim.—Amsal 7:22, 23; 1 Korintus 7:3.

KWARAPAN

Imbude snonkaku ḇeswar Au ya ifrur fa ḇekandera ro baken ma sneḇaḇir Bedi ke?
Imbude snonkaku ḇeswar Au nari ifrur fa ḇaḇebati Bena kuker Allah naḇyeḇa ke?—Ibrani 13:4.