Wos Ḇefarkin faro Ḇar 4

Ḇar ine iser farfyar ḇekur ḇe Yusuf, Ayub, Moses, ma kawasa Israel sya. Ibiris ifrur fa sikame sekandera fafayaḇa. Sino sifrur pyum si ḇa, sisun si ro bui, sewomen, ma sekandera kukro snonkaku siswar sya simar. Mboi, Yahwe kyadaunwarek si ro nyan ḇebor. Auma sinan ḇena romawa ido, wafnoḇek i fa ifawi Yahwe manfamyan Ḇyansine sekandera mboi sikyar faro I ḇesya kwar.

Yahwe ifrur Kandera Risamfur insama nfasnai ima syambraḇ syadi ro allah ḇero sup Masir syakam. Fasnaibos moḇsa Yahwe kyadaunwarek kawasa Ḇyesi ro ḇepon siwara ma moḇsa ifrur na ro baboine kako rai.