Buk Farkarkor Kuker Napnapes Ya

Ro paik September, Syapram Farkarkor Kankenem ma Fararmyan Kristen Koḇena nari naser fasasna ḇebabo fa kofari na judul ḇyeja ”Ḇuk Farkarkor Kuker Napnapes Ya”. Fainda ya iso insama kofasnaḇair napnapes ḇeknam kaku ro Refo ya, kuker koḇuk fakfuken ma mnuk ro Refo ya.

Snonkaku oso imarisen ido, na koḇawes raryaḇ ḇyedi fa ryower pdef ro rarama ḇeḇeuser ya kuker koḇuk syapram ḇaido syap ḇesena ḇaido kofasna vidio jw.org. Ipyum ya korama kaḇer ḇe snonkaku ani ro ras ḇeḇeso fa kowos farkarkor naborwer kuker i. Fasasna ḇebabo ine ma ḇesma farkarkor ro sidang sya nari fasasna sena neknam ro topik ḇero ḇar knam ro farkarkor ro papupes fasal ro syap Rosai Refo Fyarkor Ḇeko. Ro ḇar anna, fakfuken ma mnuk-mnuk naisya ḇefnoḇek ko fa kofrur rarama kaḇer ḇaido koḇuki farkor kuker Refo monda.

Nyan oser monda ḇeyun ḇe kankenem. (Mat 7:13, 14) Snonkaku bebor kosrow ro ḇaḇeḇaryas sya srama ro moḇ ma agama ḇese. Inja, fandun kaku kokofenḇair napnapes ḇero Refo imnis kuker rosai simarisenna. (1Tim 2:4) Komamḇir pyum topik-topik risai monda ḇero Refo ma koḇekir fa ’kobaryasbos wos ḇenapes ani’ ido, nari koraryaḇ syadi wer. Nari kokako koḇuk farkarkor ḇepyum ḇeyun fainda faro snonkaku ḇesesya.​—2Tim 2:15.