Waswarepen fa Ḇenadiwarek Snonkaku Kristen Ḇesmai Wayam Sya

Refoya ḇyardi kwar snar nari Setan syewar fa idwarek fararmyan koḇena kuker ḇyewayam ko. (Yoh 15:20; Why 12:17) Rariso na kofnoḇek min Kristen koḇesi ro sup ḇese ḇesmai kandera snaro sewayam si sya? Bisa fa koḇenadiwarek si. ”Nadi ro snonkaku ḇenapes, rofyor senadi kuker snekin, nadi ani papoik ḇyedi iba kaku.”—Yak 5:16.

Rosaiso na kor ro nadi koḇena? Bisa fa kor Yahwe I fa ḇyuk samambraḇ ḇe naek ma srar koḇesya ma ifnoḇek si fa simkak ḇa. (Yes 41:10-13) Koḇenadiwarek kako snonkaku ḇena papoik sya insama sidwarek awer fararur ḇaḇeḇaryas, ”insa kokenem kuker kananon ma aski”.—1Tim 2:1, 2.

Rofyor Paulus ma Petrus susmai wayam, snonkaku Kristen ḇero abad randak sya senadiwarek su kuker sap snonsnon suḇena ro nadi ya. (Kis 12:5; Rm 15:30, 31) Iba syadiwer, kofawi mnis snonsnon ro snonkaku ḇesmai wayam ro baboine sya ḇa ido, bisa fa kap snonsnon ro sidang, sup, ḇaido moḇ sena.

Fasbair ro sup risai monda bisa fa benadiwarek Snonkaku Kristen besmai wayam sya.