Koḇekir Syadi ro Fararmyan Koḇena​—Kosrow Snonkaku Syakam ḇero Moḇ Koḇedi

FANDUN YA: Zakharia ḇyardi snar snonkaku ḇeramaker wos ro er-er syakam na simarisen srower ankankinem ḇeḇye. (Za 8:23) Ḇape manseiso nari ḇefarkor si? (Rm 10:13-15) Kona fakamaman ma fakamamar fa koḇaryas ankankinem ḇeḇye faro snonkaku syakam ḇero moḇ koḇedi.​—od-IN 84 ¶10-11.

NYAN YA:

• Wafrur fasasos. Wasrow snonkaku ḇeyawos wos ḇese ke? Na buk aplikasi JW Language fa fari fasasna ḇepyandam. Ḇaido kuker hp ke tab Bedi, na wafasna ḇe snonkaku oso nyan fa isma informasi nabor syadi wer ro wos ḇyedi ro jw.org

• Mam mnis kaku. Rofyor ḇaryas ro rum ḇe rum ido, ḇefnder awer fa wawos kuker snonkaku ḇembran ro nyan sya ḇaido ḇero oto sya. Waso ḇaḇeḇaryas ro moḇ kawasakam ido, waswarepen fandun Bedi isoine buk kesaksian

• Wamyaren. Swewar pdef fa wasrow kuker snonkaku ḇero rum ḇa sya. Swewar fa wasrow kuker snonkaku syakam ro rum sena, imbude ro oras ḇeḇese ro ras oso ḇaido ras ḇeḇese ro minggu oser. Faro ḇena rum ḇeḇeso imbude ipyum ya kofarem surat ḇesi, koḇetelepon si, ḇaido koḇaryas ḇesi ro nyan ya

• Wafnoḇek i pdef. Kwaḇer fasaw fa wafnoḇek snonkaku ḇefasna marisen faro napnapes ya. Snonkaku ani dawos kuker wos ḇese ido, swewar naek ḇaido srar oso ḇesrow fa ḇefnoḇek i kuker wos ḇyena. Fandun fa wasrow pdef kuker i isof manbaryas oso ḇeyawos wos ḇyedi ryama fa ifnoḇek i.​—od-IN 94 ¶39-40

MAM VIDIO SḆARYAS ISOF ”SUPSWAN PEMBER YA”, RAMNAI KWAREM FAKFUKEN ḆEUSER NANE:

• 

  Fasasos rosai naek srar ansine sifrurna fa sisrow kuker snonkaku ḇero moḇ ḇebinkwan sya? (1Kor 9:22, 23)

• 

  Roi ḇedwarek risai monda sismana?

• 

  Barakas rosai sismana?

• Rosai monda na wafrurya insama wasrow kuker snonkaku ḇebor syadiwer ro moḇ Bedi?