Sfasos Mnis Insama Kobaryas ḇe Snonggaku Syakam

Randak ya, Yahwe fyasos mnis snonggaku Israel sya fa sifrur marisen Ḇyedi. Inja, ro baboine kako, dakfasos mnis kawasa Ḇyesi fa sbaryas abar ḇepyum. Iso ḇefnai fa kona kantor cabang ro supswan ḇesiper. Oso wer ido, sirwas ko ro wilayah, sidang, ma kelompok dinas lapangan. Kobaryas ḇe snonggaku syakam, ine faro snonggaku ḇeyawos wos ḇese kako.​—Why 14:6, 7.

Wamarisen wakfarkor wos ḇese insama bisa wafnoḇek snonggaku sakfawi kakaku ya ke? Rofyor nwa swaf noḇa fa wafarkor wos ḇese, bisa buk apilkasi JW Language fa wafarkor wos ḇepyandam ro wos ḇese. Ramnai, buk naro fararmyan ya. Na wasmai raryaḇ imnis ra snonggaku Kristen ro abad randak. Simarisen kaku snar snonggaku ro er ḇese skandor fyor srower ”fararur ḇeba Allah ifrurna” ro wos manggun sena.​—Kis 2:7-11.

MAM VIDIO BEBATI KUKER YAHWE I—BARYAS RO WOS ḆESE, RAMNAI KWAREM FAKFUKEN ḆEUSER NANE:

• Fafisu risai buk aplikasi JW Language ine?

• Rosai monda fitur ḇyena?

• Wos risai monda sbukidawos ro moḇ bedi na?

• Rosai imbe wafrur fyor wasrow snonggaku ḇemarisen mboi dawos wos ḇese?​—od-IN 100-101 ¶39-41