Waswarepen Lot Swari

Rosai ḇefnai fa Lot swari myam ḇe ḇarpur fyor ifrarbur mnu Sodom? Refo ikofenḇadir ḇa. (Kej 19:17, 26) Komam ro Yesus wos ḇefesepen ḇyena ḇebuk swarapepen ine kyurfasnai imbude myander kaku roi ḇebor ibur kwar na. (Luk 17:31, 32)[1] Rariso na koḇinkwanbur roi ḇefrur fa kona kyaremso Allah Ḇyedi ḇa raris Lot swari rai? Komam insa sasewar arasai na nḇe roi ḇefandun syadi kaku ḇe ko awer. (Mat 6:33) Yesus fyarkor ko insa ”kobe manfyan faro Allah ma faro [arasai] ba.” (Mat 6:24) Ḇape, rofyor komam boi arasai naiso roi ḇepyum syadi ro kankenem koḇena syadibur fandandun Allah Ḇyena ido rarso? Na koḇenadi kor fawawinanem fa komam rodiso fandun fa kofrur fararwei, komkak ḇa ma kosambraḇ fa kofrur roi anna.

WASWAREPEN ḆAR RIKIOR RO VIDIO WASWAREPEN LOT SWARI, RAMNAI KWAREM FAKFUKEN ḆEUSER NANE:

• 

  Rariso sasewar nabor pipi nawyaye nyan kakara, awawos, ma roi Gloria ifrurna?

• Rariso Lot swari ḇyeswarapepen ḇe ko ro baboine rai?

• Moḇsa wos farkin ro Refo nafnoḇek Joe ma kina ḇyesya rai?

• Rariso bati ḇero mob Anna fyararur ya sawyaye ḇaḇerur ḇyedi rai?

• Rosai ḇefnai fandun fa komkak ḇa rofyor snonkaku sya sḇeyawyaw ko fa kosewar ḇepon pipi ro kankenem koḇedi?

• Rariso Brian ma Gloria suḇensewar wer fa susewar ḇepon Allah fandun Ḇyena rai?

• Wos farkin risai mam ro sarḇer ḇero vidio ine?