Wasouser Pdef Fafisu Papupes ya Fyanam Kwar

FANDUN YA: Fyoro wer ḇa kandera ḇeba na ḇyejadi, inja komgak awer ma kokyar faro Yahwe. Kandera ḇeba ine ḇyerandak kuker smun agama ḇekakuḇa. (Mat 24:21; Why 17:16, 17) Fafisu kandera ḇeba ani, nari koḇaryas anun samamyai kuker makak ḇa. (Why 16:21) Na kosmai mamamun ro Gog ro Magog. (Yeh 38:10-12, 14-16) Insama kyadaunwarek kawasa Ḇyesi, Allah Ḇepoik Syadi ras mamun ḇeba Ḇyedi nari ryama fyaspar si. (Why 16:14, 16) Insama komgak ḇa faro roi ḇeḇejadi nane, fandun fa kosouser pdef ro kirine fafisu kakyar koḇena neḇeuji.

MOḆSA KOFRUR NA RAI:

• Kopampum rosai Yahwe imewer kaku na.​—Yes 5:20

• Koso pdef fananjur kuker naek srar koḇesi.​—Ibrani 10:24, 25

• Kosouser akurfasnai ḇerama ro Yahwe organisasi Ḇyedi.​—Ibr 13:17

• Kokarauser moḇsa Yahwe fyaspar kawasa Ḇyesi ro fyor iwara rai.​—2Ptr 2:9

• Koḇenadi faro Yahwe I, ma kokyar I.​—Mz 112:7, 8

FASNAI VIDIO KOFANDUN MAKAKAK ḆA FARO ROSAI NA ḆEḆEJADI RO RAS ḆARPON IYAMA—VIDIO ḆEKNAMPU. RAMNAI KWAREM FAKFUKEN ḆEUSER NANE:

• 

  Moḇsa soasuser manḇaryas sena neḇeuji fyor siryur si kuker sidang ḇese?

• 

  Moḇsa makak ḇa ḇyefesepen kuker soasuser rai?

• 

  Rosai ḇefnai fa kofandun makakak ḇa rofyor Armagedon ryama?

• 

  Farfyar ḇero Refo risai ḇefnoḇek ko fa kokyar nari Yahwe fyaspar ko?​—2Taw 20:1-24