KANKENEM KOḆENA ḆE SNONGGAKU KRISTEN
Kofasnai Saswar Kuker Kosonem Yahwe Aprer Ḇyena
Sisasyar snonggaku ḇesouser ḇa ro sidang bisa nggadaunwarek sidang ma nfarkor ḇefrur sasar sya. (1Kor 5:6, 11) Rofyor sisasyar snonggaku oso ro sidang nane nafrur ḇesesya sesneso kaku, syadi wer faro kina sesya ma panitia pengadilan ḇefnoḇek ḇefrur sasar ine ya. Mboi, rofyor kosonem aprer Yahwe byuk faro ḇefrur sasar ani ido, kofasnai saswar ya.
Ine kyurfasnai komewer Yahwe snonsnon Ḇyedi ma sasoser ḇesren Ḇyena naḇyeḇa. (1Ptr 1:14-16) Ine kyurfasnai kako kofasnai saswar faro snonggaku sisasyar ro sidang sya. Aprer ḇepakrek nafrur sanekar, mboi ’nbuk bon ḇeḇaḇir aski maro ko.’ (Ibr 12:5, 6, 11) Rofyor koḇebati ker kuker snonggaku sisasyar sya ḇaido snonggaku ḇemewer ḇeryur kuker Yahwe organisasi Ḇyedi wer sya, koma kosonem Yahwe aprer Ḇyedi ḇa. Koswarepen kaku snar Yahwe ḇyuk aprer ḇe kawasa Ḇyesi isof ro myam simbror kwar ro sasar sena. (Yer 30:11) Komarisen snonggaku ḇesmai aprer ani kyaḇer faro Kma ḇesaswar koḇedi. Imbape manggunko bardi fandun fa kosonem Yahwe aprer Ḇyedi ma kofrur rosai monda insama wis koḇena kuker Yahwe napyum pdef.—Yes 1:16-18; 55:7.
MAM DRAMA VIDIO WASOUSER PDEF KUKER SNE ḆESIPER, RAMNAI KWAREM FAKFUKEN ḆEUSER NANE:
Moḇsa sinan sya sḇaḇir raya rofyor romawa sesya ono sisya sibur Yahwe I?
Rariso nyan sidang ifnoḇek kina ḇesouser pdef sya?
Wap fawar ḇero Refo kuker snonggaku ḇesouser syadi faro Yahwe ro kina sesya?
Nyan rariso insama kosouser syadi faro Yahwe syadibur faro kina koḇansi?