Kwadaunwarek Farḇakḇuk Bena

Yahwe myam asas farḇakḇuk ḇe roi ḇefandun kaku dirya. Yahwe ikofen snonswa ma binswa fandun fa sukyaryae su. (Mat 19:5, 6) Ḇebor ro Yahwe kawasa Ḇyesya sismai aski ro farḇakḇuk sena. Ḇape kina osoḇaḇeri ḇenapes. Inja samswen nari nasya kako ro kina yadori. Ḇape, kakso awer kakara ro snonggaku sya ḇeyoḇe fyor kina nakain rakrok ido sḇesisye mura ḇaido sfarḇuk ḇese wer. Moḇsa snonggaku Kristen ḇefarbuk kwar skadaunwarek farḇakḇuk sena rai?

Mampan nyan ririm ḇefandun kaku nane.

1. Mamwarek sne bedi kuker pampum hiburan ḇeḇyeḇa ma ḇefo fafrowes, snar nari nafrur farḇakḇuk bena nsambraḇ ḇa.​—Mat 5:28; 2Ptr 2:14.

2. Swambraḇser ḇaḇebati bena kuker Allah, ma ḇesewar kaku fa farḇakḇuk bena nun marisen ḇe I.​—Mz 97:10.

3. Ḇeḇefrur babo pdef ma wafrur roi kasun ḇeyun payamyum ḇe swa bedi.​—Kol 3:8-10, 12-14.

4. Wawos kuker syowi ma wakofenḇair roi ḇero snembri na.​—Kol 4:6.

5. Buk ḇe swambri hak ro farḇakḇuk ya.​—1Kor 7:3, 4; 10:24.

Rofyor snonggaku Kristen sesyowi farḇakḇuk sena ido, sesyowi Yahwe ḇe Manḇedaw farḇakḇuk ya.

MAM VIDIO ”KOFARMGU KAKU FA KOFRAR”—KOSOUSER FARO SASOSER SIFRUR RO FANANDI FARANDAR, RAMNAI KWAREM FAKFUKEN ḆEUSER NANE:

• Fafisu sfarḇuk randak imbude sismai aski, ḇoi roi ḇedwarek risai nari sismai ya wer?

• Rariso farkankin ḇero Refo na nafnoḇek snonggaku ḇeḇaḇir farḇakḇuk sena neaski ḇa?

• Rosai Yahwe dor ro snonggaku ḇefarḇuk kwar sya?

• Insama farḇakḇuk suḇena neaski, rosai snonswa ma binswa sufrur kaku ya?