Kobuk Fakfuken

Yahwe ima ”Allah ḇaḇeaski,” inja imarisen kosmai raryaḇ ro fararmyan koḇena. (1Tim 1:11) Rofyor koḇesewar fa koḇekir syadi ro fararmyan koḇena ido nari koryaḇ syadi. Nyan oser iso kobuk fakfuken. Fakfuken koḇena nafrur snonggaku oso imbe ifawi nabor syadi ma imarisen ifafyar kuker ko. Nafnoḇek snonggaku oso kako fa kyara ma ifawi roi ḇekaku ya. (Mat 22:41-45) Kobuk fakfuken faro snonggaku oso ḇo korower kankarem ḇyena ido, kofasnai koḇesyowi i. (Yak 1:19) Ro kankarem ḇyena, kofawi kaku rosai imbe kawos wer na.

MAM VIDIO DRAMA KORYAḆ KAKU FA KOFRUR MANFAMYAN​—KOḆEKIR SYADI RO FARARMYAN KOḆENA—​KOBUK FAKFUKEN, RAMNAI KWAREM FAKFUKEN-FAKFUKEN NANE:

• Rari ḇepyum risai Jasmin fyasnai na?

• Moḇsa Nita ḇyuk fakfuken fa fyasnai fyandun ḇesesya?

• Moḇsa Nita ḇyuk fakfuken fa ifrur Jasmin imarisen faro abar ḇepyum ḇyuk na?

• Moḇsa Nita ḇyuk fakfuken fa ifnoḇek Jasmin fa kyara ma ifawi roi ḇekaku ya?