Wasaramper Ḇefarkor Refo Bedi fa Fyanam Syadi faro Yahwe I

Yahwe imarisen kofarmyan ḇe I snar koswar I. (Mat 22:37, 38) Rofyor ḇefarkor Refo koḇedi iswar Allah, na imarisen ifrur fararwe mnis kuker anun ro Refo. I kako na syambraḇ fyor ismai roi ḇedwarek ḇaido ismai samswen. (1Yoh 5:3) Osower ido, nari nadif i fa ḇyebaptis.

Wafnoḇek ḇefarkor Refo Bedi fa ḇyaḇir Allah saswar Ḇyena. Ras wafarkor kayam kukri, wafuken i radine: ”Rodine, rosai wafarkor ro Yahwe?” ḇaido ”Rodine, rosai ḇefasnai kaku Yahwe iswar Au?” Wafnoḇek i fa fyawi snar Yahwe bisa ifnoḇek i ro nyan sairirya monda. (2Taw 16:9) Fawar pan rariso Yahwe kyarem nadi-nadi Bena oser-oser, ma wanun ḇe i fa myam kaku rariso Yahwe kyarem nadi-nadi ḇyena. Nari koryaḇ kaku ras komam ḇefarkor Refo koḇedi fyasnai ikako iswar Yahwe ma imarisen ḇyebati kuker I.

MAM VIDIO DRAMA WASARAMPER ḆEFARKOR REFO KUKER AU FA SFANAM SYADI FARO YAHWE I, RAMNAI KWAREM FAKFUKEN-FAKFUKEN NANE:

• 

  Roi ḇedwarek ḇaido samswen risai Jasmin ismai na?

• 

  Rariso Nita ifnoḇek Jasmin i?

• 

  Rariso Jasmin ifrur mnis samswen ḇaido roi ḇedwarek i na?