Wasaramper Ḇefarkor Refo Besi fa Simnai Sifrur roi Ḇesasar

Insama ḇefarkor Refo koḇedi ḇyebati kuker Yahwe, fandun kaku fa nya kenem ḇepyum. (1Ptr 1:14-16) Inja, fandun fa imnai ḇaido ibur sasar ḇyena. Ifrur rarirya ido, na manggundi byaḇir payamyum ḇesena. Imnis ra, kankenem ro kina ḇyedi, pararei, ma nari ifawi fyasos pyum syadi pipi ismai na.

Fasnaiḇair ḇe ḇefarkor Refo Bedi rosai monda Yahwe dor na, roi ḇefnai fa Yahwe dor fa ifrur na, ma payamyum ḇyena fyor iso na. Wafnoḇek ḇefarkor Refo ya infa bisa fyarwe nyan kakara ḇyena. Rarirya, nari napyan ḇe i fa iso rosai Yahwe dor ro i na. (Ef 4:22-24) Buk kakyar ḇe i snar kuker fafnoḇek ro Yahwe, bisa imnai fa isawen kenem ḇaido rari ḇeḇyeḇa ḇesya kaker na. (Flp 4:13) Farkor i fa dor fafnoḇek ro Yahwe fyor ismai fafrowes fa ifrur roi ḇesasar. Wafnoḇek i fa ifawi fafisu risai monda na ḇefrur fa isapi ro fafrowes ya insama bisa byinggwanbur na. Buk anun ḇe i fa fyadwer roi ḇepyum ḇa na kuker fararur ḇeyun fainda ḇe i. Bon ya, nari waryaḇ fyor mam ḇefarkor Refo Bedi imnai ifrur sasar kuker fafnoḇek ro Yahwe.

MAM VIDIO DRAMA WASARAMPER ḆEFARKOR REFO KUKER AU FA SIMNAI SIFRUR ROI ḆESASAR, RAMNAI KWAREM FAKFUKEN-FAKFUKEN NANE:

• 

  Rodiso kofawi snar penatua ma Nita skokyar kaku faro Jasmin i?

• 

  Rariso Nita ifnoḇek Jasmin i?

• 

  Rosai Jasmin ifrur insa dor fafnoḇek ro Yahwe I?