Buk Farkarkor kuker Wos Sarḇer

Fyor korama kaḇer ḇe snonggaku sya ḇaido kobuk farkarkor Refo, fandun fa kofnoḇek ḇerower konsya sifawi farkarkor ḇefandun na. Kobuk wos sarḇer fa kofasnaibos farkarkor ḇefandun na ido, napyan fa kun sisnesna ma nari siswarepen pyum roi sfarkor na.

Rofyor wafasos topik oso ido, swewar knam farkarkor ḇefandun ḇyena, ma farkarkor ḇesena. Ramnai kwinfir wos sarḇer ḇepyandam sifawi ro ras-ras na. (Mat 5:14-16; Mrk 2:21; Luk 14:7-11) Kwara pyum ḇerower ausya kenem sena ḇaido roi sifrur ro ras-ras na. (Luk 5:2-11; Yoh 4:7-15) Fafisu mam simarisen ma sifawi rosai sfarkor na ido, na waryaḇ kaku.

MAM VIDIO DRAMA KORYAḆ KAKU FA KOFRUR MANFAMYAN—KOḆEKIR SYADI RO FARARMYAN KOḆENA​—BUK FARKARKOR KUKER WOS SARḆER, RAMNAI KWAREM FAKFUKEN-FAKFUKEN NANE:

• Rosai ḇefnai fa kofnoḇek ḇefarkor Refo sya sifawi mnuk-mnuk ḇero Refo na?

• Moḇsa Nita ḇyuk wos sarḇer fa ḇyukifasnai kakaku ḇero Roma 5:12 ya?

• Rosai na ḇerower sya sismai na fyor wos sarḇer koḇena napyum ?

• Ro ḇaḇebaryas koḇena, rosai ḇefnai fa kobuk vidio ma syap ro Yahwe organisasi Ḇyedi?