Buk Farkarkor kuker Raryaḇ

Kobuk farkarkor kuker raryaḇ ido, ḇerower konsya nari siryaḇ kako ma na srower pyum rosai kokofen na. Ine nfasnai kako abar kun nane roi ḇefandun nairi. Korama ro er ḇese ke ḇaido kenem koḇena naḇesisye, bisa kakbuk farkarkor kuker raryaḇ. (Rm 12:11) Moḇsa kofasnai na rai?

Ḇepon ya, kwarauser abar wun nane roi ḇefandun nairi. Nwa syowi ḇeba fa ’wun anggangginem ḇeḇye ro Allah!’ (Rm 10:15) Ḇesuru ya, kwarauser moḇsa abar ḇepyum kobaryas ya na nafnoḇek kankenem ḇerower sya. Rarirya fandun kaku fa srower rosai wakofen na. (Rm 10:13, 14) Ḇekyor ya, wawos kuker raryaḇ, fasnai na ro mkamsi ma baken bena.

MAM VIDIO DRAMA KORYAḆ KAKU FA KOFRUR MANFAMYAN—KOḆEKIR SYADI RO FARARMYAN KOḆENA—BUK FARKARKOR KUKER RARYAḆ, RAMNAI KWAREM FAKFUKEN-FAKFUKEN NANE:

• Rosai ḇefrur Nita iryaḇ werḇa fa ḇyuk farkarkor ḇe Jasmin i?

• Rosai ḇefnoḇek Nita i fa iryaḇ kaḇer wer ya?

• Rosai ḇefnai fa komam monda faro rari ḇepyum ro ḇerower konsya?

• Rariso raryaḇ koḇena nbuk roi ḇepyum faro ḇefarkor Refo kuker konsya ma ḇesesya rai?