Anun ḇe Ḇefarkin Fananjur faro Ḇaḇebaryas

Fananjur faro ḇaḇebaryas ḇaido pertemuan dinas lapangan (PDL) ima fasasos ḇerama ro Yahwe. Imnis ra fananjur ari, PDL na nadif ko fa kofasnai saswar ma frur pyum ḇe min koḇesi. (Ibr 10:24, 25) PDL nambran menit ririm isof ro menit rifik monda. Ine nfasnaiḇair sfasos kwar manbaryas sya sbaryas kuker mansei, moḇ sbaryas na, ma nadi. (Fyor fananjur ari ya imnai ḇo sifrur PDL ido, iḇye kada PDL ine sifrur fasaw monda.) Inja, ḇefarkin ya na fyasos pyum roi imbe ikofen na insama nun fainda faro ḇeso ro ras ani. Imnis ra, ḇebor ḇerama ḇeso PDL ro ras Sabtu imbude sbaryas ro ras ḇese na ḇa, inja ḇefarkin ani na dawos monda moḇsa sḇerandak awawos ro ḇaḇebaryas ya. Osower ido, rosai na ḇefarkin ani dawos ro fananjur ḇaḇebaryas na?

• Awawos fa Kobukibaryas ḇesya ro Syapram Farkarkor Kankenem ma Fararmyan Kristen Koḇena

• Sarisa ḇaido abar ḇebabo sepake fa sḇerak awawos

• Nyan wakarem wos sampampum ro moḇ Bedi

• Nyan buk kesaksian ḇe snonggaku ateis ḇaido ḇekyar ḇa Allah isya, snonggaku ḇekyar faro evolusi, snonggaku ḇeyawos wos ḇese, ḇaido snonggaku ro moḇ Bedi bena agama sibor sisun rona ḇa

• Nyan buk fitur ḇaido ḇar ḇero situs web jw.org, aplikasi JW Library^®, ḇaido Refo

• Nyan buk syap oso ro Roi fa Kobukifarkor

• Buk nyan nono ḇese ro ḇaḇebaryas bena, imnis ra baryas ro telfon ḇaido surat, baryas ro moḇ snonggaku sibor rona, wafrur rarama kaḇer, ḇaido farkarkor Refo

• Swarepen faro payamyum bena, fasnai rari-rari ḇepyum, ma fandun kaku nwa kakara ḇepyum ma fawawi, ḇaido roi ḇesena

• Oser ro farkarkor na ḇaido vidio ḇero brosur Swewar kaku fa Wawasya ma Buk Farkarkor

• Nyan fa ḇebati ḇepyum ro ḇaḇebaryas

• Mnuk oso ḇaido fawar ḇesambraḇser ro ḇaḇebaryas