Koso fa Kakryur Afuf kuker Raryaḇ

1. Koken’m ro fafisu afuf ya,

Kosmai syowi ḇeba kaku.

Gandum ma ampyampumber nmas kwar,

Koryaḇ snar kakna swaf ḇepyum.

Yesus fyasnai nyan ḇemnis ḇe ko

Kuk’r fyarkin fararur ine.

Kosmai syowi ma koryaḇ ras nakam.

Koso fa kakryur afuf ya.

2. Saswar ḇe Allah ma komin sya

Naiso ḇedif ko fa komyar’n.

Snar kero monda ’pupes ryama,

Fandun kaku fa koḇaryas.

Raryaḇ ima barakas ḇeba,

Syowi ḇeba ro Yahwe I.

Kokyar ido na komku ’sof ’pupes

Ma koryaḇ kayam fnoḇek I.