Koḇekir Syadi ro Fararmyan Koḇena​—Koḇuk Farkor Werḇa faro Ḇefrur Fararwe Noḇa Sya

FANDUN YA: Insama snonkaku sya sismai fasaspar ya, fandun fa sor snonsnon Yahwe. (Rm 10:13, 14) Ḇape, snonkaku ḇefarkor Refo syakam ḇa ḇemarisen ḇeso Yahwe sasoser Ḇyena. Oras koḇuk ro ḇaḇeḇaryas nama nekakur kaku. Inja, komarisen koḇuk na fa kofnoḇek snonkaku ḇemarisen kaku ḇefrur fararwe ro kenem sena insama Yahwe imarisen. Ḇape, fyor ḇefarkor Refo oso fyarkor ro swaf kawan kwar mboi ifrur fararwe ro kenem ḇyedi ḇa ido, ipyum ya koḇuk farkor ḇe i werḇa. Rarirya, kosewar fa kofnoḇek snonkaku ḇese Yahwe iyer si fa sfanam ḇe i ma organisasi Ḇyedi. (Yoh 6:44) Fafisu oso, fyor ḇefarkor Refo ani ifrur fararwe kwar ma fyasna nya kakara ḇepyum fa ’ismai kankenem ḇemnaiḇa’ ido, na komarisen koḇuk farkor Refo ḇe i wer.​—Kis 13:48.

MOḆSA KOFRUR NA RAI:

• Koḇuk wos sandik ḇe ḇefarkor Refo snar imarisen nya fawawi ḇemnis kaku.​—1Tim 2:4

• Kokofen bos ḇe i fandun fa ikenem mnis rosai fyarkor kwar na.​—Luk 6:46-49

• Kawos kuker myaren Yesus sarḇer ḇyena ḇekur snon ḇekekef mor, ma kor i fa kyarauser rosai ḇewar fa iso ḇaim rosai fyarkor kwar na.​—Mat 13:18-23

• Kokofen pyum yoḇ i roi ḇefnai fa koḇuk farkarkor ḇe i werḇa

• Kokofenḇair ḇe i nari ro swaf nono komamfar i fa kosambraḇser i. Kokofen ḇe i kako komarisen kofarkor kuker i wer fafisu ifrur fararwe ro kenem ḇyedi kwar

MAM VIDIO, MA KWAREM FAKFUKEN ḆEUSER NANE:

• Ro awawos suḇena, rosai ḇefasnaiḇair ḇefarkor Refo ani ifrur roi fyarkor ro Refo ya ḇa?

• Rariso manḇaryas ani ifnoḇek ḇefarkor ya fa fyawi fandun fa ifrur fararwe ro kenem ḇyedi?

• Rariso manḇaryas ani fyasnaiḇair ḇe ḇefarkor ya fafisu ifrur fararwe kwar ido imarisen buk farkarkor Refo ḇe i kaḇer?