FARKARKOR 11

Wawos Raryaḇ

Roma 12:11

ROSAI NA WAFRURI: Wawos raryaḇ insama nadif ḇerower Au ya fa ifrur na.

Mam pyum farkarkor anya nsun ro snembri kwar. Rofyor fasos farkarkor oso, kwarapan rosai ḇefnai fa roi anya fyandun. Farkor pyum na insama wun na kuker sne ḇesiper.
Kwara pyum ḇerower Au ya. Fyor wawasya farkarkor oso ḇaido imbe buk na fa farkor snonkaku ḇesesya, kwara fainda rosai nari sismai na. Kwara moḇsariso na wawos pyum farkarkor anya rai insama fainda ḇyena nasnai faro si.
Wun pyum na. Wawos raryaḇ. Mam insama mkasi ifnak ma wawai pyum baken Beja fa nḇair roi kwara ya.

Wawai baken Beja ro moḇ oser awer insama ḇerower Au ya myam monda faro rosai wakofen na. Mam pyum insama roi wawos na imnis rosai fasnai ro baken Beja. Fandun fa wawos raryaḇ, isyadi wer rofyor farkor roi ḇefandun kaku ma rofyor imbe wadif i fa ifrur na. Wawos raryaḇ ker awer kukro nari ryower na rawo pyapum.