FARKARKOR 8

Buk Farkarkor kuker Wos Sarḇer

Matius 13:34, 35

ROSAI NA WAFRURI: Wafrur fa farkarkor Bena napyum syadi kuker kwinfir wos sarḇer ḇepyan monda insama ḇerower Au ya imarisen ma naser farkarkor ḇefandun kaku.

MOḆSA WAFRUR NA RAI:

Kwinfir wos sarḇer ḇepyan monda. Raris Yesus i, rofyor fasnai roi ḇefandun ma ḇesamswen na, kwinfir roi ḇepyan monda ma sifawi samswen na ḇa. Waser warpu awer roi ḇefandun mankenem ḇa na kukro nari nafnai fa wos sarḇer Bena samswen fa fyawi na. Mam pyum kaku farkarkor ro wos sarḇer anya oser-oser nefasfes kuker rosai bukifarkor na insama ikmom ḇa.

Mam pyum kaku roi ḇero ris Bedi, farkor pyum syap koḇena, ma rwower pyum naek srar ḇekir sya. Waswarepen wos sarḇer sena ma fasepen na insama nari nafnoḇek Au fa farkarkor Bena napyum syadi..
Kwara pyum ḇerower Au ya. Kwinfir wos sarḇer ḇesrow kuker roi sifrur ro rasras ma rosai simarisen na. Mam pyum insama wos sarḇer Bena nakyaren si ḇa ḇaido nafnai awer si fa simai.
Buk farkarkor ḇekur ḇeri ḇe roi imbe wawos na monda. Kwinfir wos sarḇer fa bukifarkor roi imbe wawos na monda, mboi wawos awer roi ḇefandun mankenem ḇa na. Mam pyum insama ḇerower Au ya iswarepen wos sarḇer Bena monda awer mboi iswarepen kako farkarkor ro wos sarḇer ani.