Wor Kawasa ro Moḇ Ḇedi fa Srama ḇe Munara Swarapepen!

Kampanye na ḇyeḇerak ro 27 Februari, nari komarisen fa kor snonkaku ḇebor sya fa skayam kuker ko fa kofrur munara Swarapepen marmar Kristus ḇyedi faro ko. Ko kako fandun fa kofnoḇek pdef snonkaku ḇefasnaḇair sne ḇemarisen sya.

NYAN FA KOSOUSER NA

BUK WOS ḆEFARKIN ḆEDI

”Komarisen koḇuk syapram fararyor ine faro munara ḇefandun kaku. Ro 23 Maret, snonkaku ḇebor ro supswan ḇesiper nari sifanjur kayam fa sifrur munara swarapepen marmar Yesus Kristus ma srower faya ḇeknam ro Refo ḇefasnaḇadir rariso marmar Yesus ḇyedi nun fainda ḇeko. Ro syapram ine sfas oras ma moḇ sifrur munara ine ro moḇ koḇedine. Wamarisen ido na rwama.”

Snonkaku oso imarisen ryower ido . . .

• BUK MAJALAH

  Buk fakfuken faro rarama kaḇer.

• FASNAI VIDIO SWARAPEPEN

  Buk fakfuken faro rarama kaḇer.

Rofyor rwama kaḇer, nari  . . .

• FASNAI VIDIO ROSAI ḆEFNAI FA FARKOR REFO YA?

  Ramnai buk farfnoḇek fa fyarkor Refo.

• ḆARYAS KUKER SYAP ANKANKINEM ḆEḆYE ḆERAMA RO ALLAH!

  Buk anun ḇeḇeso ro farkarkor ḇeḇe 4, fakfuken 3 ma 4, fa wafasnaḇadir rosai ḇefnai fa kofrur Munara Swarapepen. Ramnai buk syap ani ḇe i.

• ḆARYAS KUKER SYAP WAMNAF ALLAH

  Wawawos knam ro marmar Kristus ḇyedi, ro ram ḇeḇe 18-19. Ramnai buk syap ani ḇe i.