Famle
Jehova nao i stamba blong famle
Perens
Yu luk “Perens”
Papa
Yu luk “Papa”
Mama
Yu luk “Mama”
Hasban, Waef
Yu luk “Mared”
Ol Pikinini
?Ol pikinini oli gat wanem wok insaed long famle?
?From wanem ol pikinini oli mas obei long papa mo mama blong olgeta?
Ol stori long Baebol:
Sam 78:1-8—Ol man Isrel oli tokbaot ol samting we ol olfala blong olgeta bifo oli bin mekem, blong tijim ol pikinini se oli mas trastem God mo no rebel
Lu 2:51, 52—Nating se Jisas i stret gud olgeta, be hem i gohed blong obei long papa mo mama blong hem we oli sinman
?From wanem samtaem i had blong ol pikinini oli respektem papa mo mama blong olgeta?
?God i gat wanem tingting long ol pikinini we oli no stap obei long papa mo mama blong olgeta?
Ol stori long Baebol:
Du 21:18-21—Loa blong Moses i talem se sipos wan boe i stronghed, i rebel, mo i drong oltaem, bambae oli mas kilim hem i ded
2Ki 2:23, 24—Sam smol boe oli no gat respek mo oli jikim profet Elisa we i man blong wok blong God, taswe tu bea i kilim olgeta oli ded
?Ol perens oli mas gat wanem tingting long ol pikinini blong olgeta?
Ol stori long Baebol:
Le 26:9—Ol man Isrel oli luk ol pikinini olsem ol blesing we i kam long God
Job 42:12, 13—Jehova i blesem Job from we hem i holemstrong long Hem, nao i givim ten moa pikinini long hem mo waef blong hem
?Jehova i wantem se ol brata mo sista insaed long wan famle oli tritim olgeta olsem wanem?
?Ol pikinini we oli bigman finis oli mas mekem wanem long ol perens mo ol olfala bubu blong olgeta?
Ol stori long Baebol:
Je 11:31, 32—Taem Ebraham i aot long Uru, hem i tekem papa blong hem Tera wetem hem, mo i lukaot long hem kasem we hem i ded
Mt 15:3-6—Jisas i yusum Loa blong Moses blong tijim ol man se ol pikinini we oli bigman finis oli mas lukaot long nid blong ol perens blong olgeta
Palika
Yu luk “Palika”
Bubu Man; Bubu Woman
Yu luk “Bubu Man; Bubu Woman”