Fasin Agens
?From wanem ol Kristin oli no mas sapraes taem oli fesem fasin agens?
Taem yumi fesem fasin agens, ?from wanem i gud blong prea long Jehova blong i givhan long yumi?
Sam 55:22; 2Ko 12:9, 10; 2Ti 4:16-18; Hib 13:6
Ol stori long Baebol:
1Ki 19:1-18—Taem profet Elaejah i fesem fasin agens, hem i talemaot ol filing blong hem long Jehova, nao Jehova i mekem hem i strong bakegen
Wok 7:9-15—Nating se ol brata blong Josef oli mekem i nogud long hem, be Jehova i gohed blong stap wetem hem, i lukaot gud long hem, mo i yusum hem blong sevem ful famle blong hem
?Wanem ol fasin blong agens we yumi save fesem?
Tok nogud
2Kr 36:16; Mt 5:11; Wok 19:9; 1Pi 4:4
Ol stori long Baebol:
2Ki 18:17-35—Rabsake, we i wan mesenja blong king blong Asiria, i tok nogud long Jehova mo i jikim ol man long Jerusalem
Lu 22:63-65; 23:35-37—Taem ol man blong agens oli kam holem Jisas mo taem we hem i hang long pos, oli tok nogud long hem mo jikim hem
Famle i agens
Arestem mo tekem yumi i go long kot
Faetem yumi
Wan grup i agensem yumi
Kilim yumi i ded
?Ol Kristin oli mas mekem wanem taem narafala i agensem olgeta?
Mt 5:44; Wok 16:25; 1Ko 4:12, 13; 1Pi 2:23
Ol stori long Baebol:
Wok 7:57–8:1—Taem wan grup blong ol man i rere blong stonem Steven i ded, hem i prea blong God i fogivim olgeta. Sol we i man Tasas tu i stap long grup ya
Wok 16:22-34—Nating se oli wipim aposol Pol mo oli lokem hem long ol stok, be hem i kaen long gad blong kalabus mo biaen gad ya wetem ful famle blong hem oli kam Kristin
?Wanem i hapen long sam long ol fas Kristin?
?Yumi mas gat wanem tingting taem yumi fesem fasin agens?
?Olsem wanem hop we yumi gat i save givim paoa long yumi taem yumi fesem fasin agens?
?From wanem yumi no mas sem, fraet, harem nogud tumas, o lego Jehova taem narafala i agensem yumi?
Sam 56:1-4; Wok 4:18-20; 2Ti 1:8, 12
Ol stori long Baebol:
2Kr 32:1-22—Taem King Senakerib i kam wetem wan bigfala ami blong spolem Jerusalem, King Hesekia i trastem Jehova mo i leftemap tingting blong ol man, nao hem i kasem blesing from
Hib 12:1-3—Jisas i no letem ol man blong agens oli mekem hem i sem, mo i no letem ol tok blong olgeta i mekem tingting blong hem i foldaon
?Wanem ol gudfala samting we i kamaot taem yumi stanap strong tru long fasin agens?
Yumi mekem Jehova i glad mo leftemap nem blong hem
Ol stori long Baebol:
Job 1:6-22; 2:1-10—Job i no save se Setan nao i stap spolem hem, be hem i gohed blong holemstrong long Jehova. Hemia i leftemap nem blong Jehova mo i pruvum se Setan i wan man blong giaman
Da 1:6, 7; 3:8-30—Hanania, Misael, mo Asaria (Sadrak, Mesak, mo Abednego) oli holemstrong long Jehova nating se oli save ded, mo hemia i mekem se biaen King Nebukadnesa i presem Jehova
Hemia i save givim wan gudfala witnes
Ol stori long Baebol:
Wok 11:19-21—Ol Kristin we oli fesem fasin agens oli ronwe i go long ol defdefren ples, nao oli gat janis blong talemaot gud nius long plante moa man
Fil 1:12, 13—Aposol Pol i glad from we taem hem i stap long kalabus, hemia i mekem se plante moa man oli harem gud nius
Yumi mekem tingting blong ol narafala i kam strong
?Ol lida blong skul mo politik oli stap mekem wanem blong agensem ol man blong Jehova?
Jer 26:11; Mk 3:6; Jon 11:47, 48, 53; Wok 25:1-3
Ol stori long Baebol:
Wok 19:24-29—Long Efesas, sam man we oli stap wokem ol aedol oli ting se mesej we ol Kristin oli stap talemaot bambae i spolem bisnes blong olgeta, taswe oli agensem ol Kristin
Ga 1:13, 14—Bifo we Pol i kam wan Kristin, hem i stap spolem kongregesen from we hem i strong blong folem skul blong ol man Jiu