?Baebol i Talem Wanem?
?Wanem i hapen long yumi taem yumi ded?
SAM MAN OLI BILIF se yumi gohed blong laef long wan narafala bodi, mo sam oli bilif se ded hem i en blong evri samting. ?Wanem tingting blong yu?
SAMTING WE BAEBOL I TALEM
“Ol man we oli ded finis oli no moa save wan samting.” (Prija 9:5) Taswe, taem yumi ded, yumi no gohed blong laef samples.
NARAFALA SAMTING WE YUMI LANEM LONG BAEBOL
Fas man ya Adam i gobak long graon taem hem i ded. (Jenesis 2:7; 3:19) Long sem fasin, evriwan we oli ded oli gobak long graon.—Prija 3:19, 20.
Taem man i ded, hem i kam fri long sin. (Rom 6:7) Man i no kasem wan narafala panis bakegen afta we hem i ded.
?Ol dedman oli save laef bakegen?
?WANEM TINGTING BLONG YU?
Yes
No
Maet
SAMTING WE BAEBOL I TALEM
“God bambae i mekem olgeta man we oli ded oli laef bakegen.”—Ol Wok 24:15.
NARAFALA SAMTING WE YUMI LANEM LONG BAEBOL
Baebol i talem se taem man i ded, i olsem we hem i slip. (Jon 11:11-14) God i save wekemap dedman, olsem we yumi save wekemap wan man we i slip.—Job 14:13-15.
Baebol i tokbaot sam man we oli laef bakegen. Hemia i mekem bilif blong yumi i strong se ol man we oli ded bambae oli laef bakegen.—1 King 17:17-24; Luk 7:11-17; Jon 11:39-44.