?Baebol I Talem Wanem?

?God i gat nem blong hem?

SAM MAN OLI BILIF se God i no gat nem, sam narafala oli talem se nem blong hem “God” no “Masta” nomo, mo sam narafala bakegen oli talem se hem i gat plante nem. ?Wanem tingting blong yu?

SAMTING WE BAEBOL I TALEM

Eksodas 3:14 i talem se: “Nem blong mi, ‘Mi Stap We Mi Stap.’” Futnot i talem se, ‘long lanwis Hibru nem ya i sem mak long YHWH,’ mo plante man oli ting se “fasin blong talem nem ya, se Yawe no Jehova.”

NARAFALA SAMTING WE YUMI LANEM LONG BAEBOL

• God i gat plante taetel be hem i gat wan nem nomo.​—Eksodas 3:15, lashaf.

• God i no haedem ol fasin blong hem. Hem i wantem we yumi save gud hem.​—Ol Wok 17:27.

• Yumi mas save nem blong God fastaem, nao yumi save kam fren blong hem.​—Jemes 4:8.

?I rong blong talem nem blong God?

?WANEM TINGTING BLONG YU?

• Yes

• No

• Mi no save

SAMTING WE BAEBOL I TALEM

“Bambae yufala i no mas yusum nem blong mi long fasin we yufala i no ona long mi.” (Eksodas 20:7) I rong blong yusum nem blong God long fasin we yumi no soemaot respek.​—Jeremaea 29:9.

NARAFALA SAMTING WE YUMI LANEM LONG BAEBOL

• Jisas i save nem blong God mo i yusum.​—Jon 17:6.

• God i wantem we yumi singaot hem long nem blong hem.​—Rom 10:13.

• Ol enemi blong God oli traem mekem se ol man blong hem oli fogetem nem blong hem.​—Jeremaea 23:27.