Miting Blong Halpem Yumi Blong Mekem Disaepol
Wik We i Stat Long Maj 5
Singsing 108.
10 menet: Lokol mesej mo ol advaes blong Kingdom Wok we oli stret long kongregesen. talem sam gud tok long ol brata sista we oli prij finis long manis ya. Pulum evriwan blong gat strong tingting blong prij long manis Maj. Soemaot olsem wanem ol pablisa oli save mekjem blong givimaot ol laswan magasin long ples blong yufala. Talem bakegen long olgeta wetaem mo weples i gat miting blong prij.
20 menet: “Halpem Ol Man Blong Bilif long Tok Blong God”—Mekem tok ya wetem kwestin mo ansa. Taem yufala i kasem haf 3, askem long sam pablisa we oli gat gudhan blong oli givim sam advaes long ol stampa tok blong prij we ol pablisa oli save yusum. Ol toktok ya oli mas rere fastaem.
15 menet: Mekem ol visit blong ol man oli intres moa long trutok. Pulum ol pablisa blong oli gobak kwik blong visitim ol man we oli intres long buk Tok Blong God. Tok we brata i jes mekem i soemaot from wanem yumi mas mekem ol visit mo statem wan Baebol stadi wetem ol man we oli intres long trutok. Toktok fastaem long nid ya. Biaen, pulum evriwan blong oli gobak visitim ol man we oli laekem ol tok blong olgeta. Nao mekem wan no tu plei blong soemaot olsem wanem yumi save mekem wan visit long wan man we i tekem finis buk Tok Blong God.
Singsing 23 mo laswan prea.
Wik We i Stat Long Maj 12
Singsing 192.
7 menet: Lokol mesej. Ripot long ol kaon. Talem tangkyu long kongregesen from ol presen mane we hem i sanem long Sosaete, mo we Sosaete i talem tangkyu from long ol pepa blong Febuwari. Talem tangkyu long ol brata sista, from we oli gat gladhat blong sapotem wok blong Kingdom. Talem bakegen ol miting blong prij. Pulum ol brata sista blong prij wetem grup blong olgeta long en blong wik. Talem bakegen se bambae kongregesen i mekem spesel pablik tok long Maj 25. Yusum bakegen advaes we i stap long Kingdom Wok blong Janewari 1990.
10 menet: Ansa long wan kwestin. Wan elda i mekem tok ya. Talem wanem gudfala kaset sosaete i mekem finis, mo soemaot olsem wanem evriwan i save yusum gud taem oli stap olgeta nomo, mo long famle blong olgeta.
18 menet: “Talemaot gud nyus: wetem fasin luksave”—Toktok wetem kwestin mo ansa. Biaen long haf 3, mekem 2 smol plei blong soemaot olsem wanem yumi save mekem ol tok blong yumi oli stret long ol fasin blong ol man we yumi faenem. Yufala i save blokem ol tok ya taem oli soemaot samting ya finis, hemia long ol fas tok nomo.
10 menet: “Blong Traem Lav Blong Yufala, mo luk sipos hem i tru.” Wan elda i mekem tok ya long wan haf blong Wajtaoa blong Disemba 1, 1989, p.24. Talem tangkyu long ol brata sista from gladhat blong olgeta taem oli sapotem wok blong Kingdom long ples blong yufala, mo long wol.
Singsing 225 mo laswan prea.
Wik We i Stat Long Maj 19
Singsing 208.
10 menet: Lokol mesej. Talem ol miting blong prij long en blong wik ya. Talem wanem haf blong ol laswan magasin i save pulum tingting blong ol man long ples blong yufala.
20 menet: “Wan taem blong wok moa”—Mekem tok ya wetem kwestin mo ansa. Talem hamas pablisa i fulumap finis wan pepa blong kam haftaem paenia long ol manis Epril mo Mei. Taem yufala i kasem haf 5, yusum sam tok blong wan haf blong Wajtaoa blong Epril 1, sipos yufala i kasem hem finis. Tokbaot sam haf we ol pablisa oli save yusum blong statem wan toktok. Pulum evriwan blong mekem moa long wok blong prij, long taem blong spesel tok mo Memoriol, mo long tufala manis ya.
15 menet: Mekem wan tok long ol samting we kongregesen i nidim, no mekem tok mo plei blong soemaot from wanem yumi mas mekem vas blong dei evri dei. Givim sam advaes blong soemaot rod blong mekem. Yusum ol faswan tok blong buklet Examining The Scriptures Daily.—1990.
Singsing 46 mo laswan prea.
Wik We i Stat Long Maj 26
Singsing 126.
10 menet: Lokol mesej. Tiokratik Nyus. Pulum olgeta pablisa blong oli prij long en blong wik ya, sipos oli gat rod blong mekem. Nekis Sandei i faswan dei blong Epril. Long dei ya, yumi stat blong givimaot sabskripsen long Wajtaoa. Olgeta we i wantem mekem wok blong haftaem paenia long manis Epril oli mas givim naoia ol pepa blong haftaem paenia. Presiden-elda i givim ol pepa ya. Sipos i gat naf taem blong mekem, mekem sam plei blong soemaot fasin blong seremaot ol laswan magasin.
20 menet: “Yumi Gohed Oltaem Long Minista Wok Blong Yumi.”—Toktok wetem kwestin mo ansa. Wan brata we i ridim gud i ridim ol haf. Sam narafala i save ridim ol vas blong Baebol, mo tokbaot olgeta. Mekem ol tok ya oli stret wetem ol samting we kongregesen i nidim. Halpem ol pablisa blong winim ol trabol we oli save kasem long ples blong yufala, mo blong oli holem gud tingting oltaem. Evriwan i mas mekemap tingting blong hem blong stap strong blong mekem wok blong Jeova go kasem en.
15 menet: Yumi traem mekem sabskripsen long Wajtaoa. Talem smol taem from wanem i impoten we olgeta we i wantem laef long nyufala wol we Jeova i promes finis, oli tekem wan sabskripsen. Mekem wan plei long fasin blong tokbaot sabskripsen long ol man. Yusum ol Wajtaoablong Epril 1 mo 15 blong pulum tingting blong ol man long pis we God bambae i putum. Yumi save yusum Sam 72 blong soemaot we long Baebol, God i mekem promes blong putum pis. Olgeta we oli laekem pis oli glad blong luk se long Sam 37:10, 11, God i promes se bambae i no longtaem hem i putum trufala pis. Sipos i gat naf taem, mekem wan plei we i smol, blong soemaot olsem wanem yumi save givimaot sabskripsen long ol faswan tok blong yumi.
Singsing 71 mo laswan prea.