Miting Blong Halpem Yumi Blong Mekem Disaepol
Wik We i Stat Long Epril 2
Singsing 87.
10 menet: Lokol mesej. Talem bakegen we bambae yumi mekem Memoriol long Tusde naet, Epril 10. Talemaot stret taem blong Memoriol, mo talemaot ol plan blong kongregeseng lon saed ya. Pulum ol brata mo sista blong traehad long wiken ya blong singaot ol man we oli intres long trutok blong oli kam long Memoriol. Mekem wan plei blong soemaot olsem wanem yumi save singaot ol Baebol stadi blong kam long Memoriol.
20 menet: “Talemaot Gud Nyus—No Fraet Blong Givimaot Sabskripsen.” Toktok wetem kwestin mo ansa. Taem yufala i storeyan finis long haf 4, mekem wan plei long nyufala stampa tok blong prij. Soemaot sam poen long saed blong pis long ol bigfala haf blong Wajtaoa. Pablisa we i mekem plei ya, i mas soemaot we hem i save se Wajtaoa i save givhan long man.
15 menet: “Memoriol—Kristin Lafet.” Toktok wetem kwestin mo ansa. Taem yufala i storeyan finis long haf 6, mekem wan smol plei. Pablisa i save gobak long man we hem i singaot hem finis blong kam long Memoriol, blong pulum tingting blong hem bakegen. Afta, askem long olman long kongregesen blong talemaot plan we oli mekem finis blong singaot ol man blong kam long Memoriol mo olsem wanem bambae oli givhan long olgeta blong kam. Pulum kongregesen blong yusum ol pepa we oli singaot man blong kam.
Singsing 181 mo laswan prea.
Wik We i Stat Long Epril 9
Singsing 148.
10 menet: Lokol mesej mo ripot long ol kaon. Mekem tu smol plei blong soemaot olsem wanem blong seremaot ol nyufala magasin. Tufala plei ya i no mas bitim wan menet, wanwan. Talemaot ripot blong kongregesen long saed blong wok blong prij long Maj. Leftemap tingting blong olgeta from gudfala wok we oli bin mekem.
18 menet: “Ona Long Jisas Kraes—Fandesen Blong Bilif Blong Yumi.” Toktok wetem kwestin mo ansa.
17 menet: ?Gud Nyus i Wan Sas Samting Long Laef Blong Yumi, No No Gat? Wan tok we i stanap long Wajtaoa engglis mo franis, Janewari 1, 1990, pej 4-6. Samfala long kongregesen oli save givim ansa we oli mekem rere finis, blong soemaot olsem wanem gud nyus i bin givhan long olgeta blong mekem laef blong olgeta i moa gud.
Singsing 193 mo laswan prea.
Wik We i Stat Long Epril 16
Singsing 23.
10 menet: Lokol mesej mo advaes blong Kingdom Wok Blong Yumi.
20 menet: “Yumi No Fraet Blong Talemaot Gud Nyus.” Toktok wetem kwestin mo ansa. Sipos i gat taem, ridim ol haf.
15 menet: Baebol i Talem Wanem. Tok mo plei. Stat long Julae 8, 1985, Wekap! i gat wan haf blong hem we oli kolem “Ol Ansa Blong Baebol.” Ol haf ya oli blong givhan long man we hem i gat plante kwestin oli stap long tingting blong hem, nating we hem i bilivim Baebol, no no gat. Samtaem ol store ya oli yusum narafala fasin blong eksplenem wan samting. ?Yumi stap yusum haf ya long wok blong prij? Ol store ya oli sot nomo mo oli go stret long stampa poen. Olgeta oli gat 2 pej nomo. Pulum olgeta long kongregesen blong tingtingbak long sam store ya we oli stret nomo long ples blong yufala. Mekem wan plei blong soemaot olsem wanem yumi save yusum ol haf ya long wok blong prij.
Singsing 92 mo laswan prea.
Wik We i Stat Long Epril 23
Singsing 106.
10 menet: Lokol mesej mo Tiokratik Nyus. Storebaot olsem wanem yumi save yusum Mei 1 Wajtaoa long engglis mo franis. Maet yumi talem se trufala pis i save kam nomo long wan rula we paoa blong hem i naf blong stanemap pis. Sam 72:7 i talem se Kingdom blong God long han blong Kraes bambae i givim fulap pis long wol. From we rul blong hem i stret nomo, hem i naf blong finisim ol rabis man, mo givim laef bakegen long olgeta we oli ded finis. (Ol Sam 37:10, 11) Talemaot sam spesel poen long Mei 1 Wajtaoa, we yumi save yusum taem yumi seremaot ol magasin no taem yumi givimaot sabskripsen.
25 menet: “Yumi Mas Waes—Mekem Ol Samting We Yumi Lanem.” Wan elda i save storeyan wetem kongregesen long haf ya. Makem long tingting blong olgeta we yumi mas stadi gud long ol buk blong Sosaete, blong rimemba mo mekem ol samting we yumi lanem. Tokbaot sam poen we oli kamaot long sam buk we Sosaete i jes prentem, we oli stret long ples blong yufala. Sam eksampel: Olsem wanem ol yangfala oli save winim trabol we i kamaot long skul; olsem wanem blong winim trabol long ples blong wok, long mared, no trabol wetem wan brata no sista long kongregesen. Yusum ol save we bambae i givhan moa long kongregesen blong yufala.
10 menet: Ol Blesing We Yumi Kasem Taem Yumi Mekem Ol Samting We Yumi Lanem. Jusum sam brata no sista blong rerem sam ekspiryens blong soemaot olsem wanem oli bin mekem ol samting we oli lanem, mo ol blesing we oli kamaot from. I moa gud blong yusum ol ekpspiryens blong olgeta long kongregesen nomo, be sipos yu nidim yu save yusum sam ekpspiryens long 1990 Yearbook__—Luk long pej 7-9, 43-45, 50-53, 57-58, 64.
Singsing 75 mo laswan prea.
Wik we i stat long epril 30
Singsing 200
10 menet: Lokol mesej. Talemaot hamas nyufala sabskripsen we kongregesen i bin givimaot, mo askem olgeta we oli bin mekem wok blong haftaem paenia long Epril blong storeyan long sam ekspiryens.
15 menet: Mekem plan blong harem gud long saed blong speret long fyuja. Presiden elda i storeyan wetem kongregesen long ol plan we oli mas mekem long fyuja, olsem plan blong go long asembli (ples we bambae oli slip, olsem wanem bambae oli go, olsem wanem blong askem spel long wok, olsem wanem olgeta we oli wantem tekem baptaes oli save rere, olsem olsem). Storyan long wok blong haftaem paenia tu. Storebaot plan blong yufala blong prij long samples we oli longwe long kongregesen. Ol yangfala tu oli mekem moa long wok blong prij long taem blong spel blong olgeta. Pulum olgeta blong mekem gudfala plan naoia, blong oli save harem gud long nekswan spel blong olgeta.
20 menet: “Karem Frut Mo Stanap Strong.” Tok long 1990 Yearbook pej 253-255. Fasin no fraet we oli soemaot long wok blong prij, mo from we oli stap karem frut, nating we oli kasem traem mo hadtaem.
Singsing 72 mo laswan prea.