Miting Blong Halpem Yumi Blong Mekem Disaepol
WIK WE I STAT LONG SEPTEMBA 3
Sing 154.
10 menet: Lokol mesej. Talemaot ol advaes blong Kingdom Wok we oli stret long kongregesen blong yu. ?Yu yu gat evri samting blong mekem wok blong prij? Talem wan taem moa ol samting we yumi mas karem long basket blong yumi taem yumi go prij: Baebol, Reasoning buk, buklet Good News For All The Nations, ol traket, wan pensel, buk no buklet we yumi seremaot long manis, ol magasin, ol pepa blong karem not long evri haos wanwan, mo sam narafala samting. Blong rere gud long tingting blong yumi, yumi mas tektaem blong makem gud ol poen we bambae yumi yusum taem yumi go prij. Yumi mas prea long God blong askem tabu speret blong hem mo yumi mas askem hem blong hem i lidim yumi i go long ol man we oli olsem sipsip blong hem.—Fil. 4:6, 7.
17 menet: “Yumi Planem Mo Yumi Mekem Ol Sid Blong Trutok Oli Gru.” Toktok wetem kwestin mo ansa.
18 menet: Wan elda i toktok wetem plante yangfala we oli gat gudfala laef. Tekem japta 17 blong buk Young People Ask, long haf “?Mi Mi Mas Livim Skul?” Tokbaot ol stampa poen we i stap. Soemaot long ol papa mama se oli mas lidim ol pikinini blong oli jusum gud wanem kaen wok bambae oli mekem long fyuja. Wok ya we pikinini i jusum i mas givhan long hem blong wok tugeta wetem ogenaesesen blong God mo pikinini i mas gat jans blong sapotem ol wok blong Kingdom wetem wok we hem i jusum.
Sing 225 mo laswan prea.
WIK WE I STAT LONG SEPTEMBA 10
Sing 71.
5 menet: Lokol mesej. Ridim ol tiokratik nyus. Talemaot bakegen weples i gat miting blong prij long medel wik mo leftemap tingting blong ol pablisa blong oli prij long sapa.
15 menet: “Talemaot gud nyus: Yumi Seremaot Ol Magasin”—Toktok wetem kwestin mo ansa. Taem yufala i kasem haf 8, mekem wan pleplei we i soemaot olsem wanem wan pablisa i mekem blong kasem wan rod blong magasin afta we hem i toktok long wan man we i intres. Hem i storebaot wan poen we i pulum tingting blong ol man we hem i stap prij long ol.
15 menet: “Yumi Kam Naf Moa Blong Tij—Nao Yumi Askem Ol Gudfala Kwestin.” Toktok wetem kwestin mo ansa.
10 menet: “Yumi Laekem Ol Olfala Blong Yumi”—Tok ya, wan elda i mekem mo hem i stanap long Wajtaoa blong Febuwari 1, 1986, pej 28 mo 29 long Engglis no long Franis. Talemaot ol samting we ol pablisa oli save mekem long saed ya. Maet yufala i talem long ol pablisa se taem oli prij wetem sam pablisa we oli olfala moa, i gud we oli no hareap tumas from we olgeta ya oli no moa yangfala. I gat fulap wei blong halpem ol olfala blong yumi: Yumi save go wetem olgeta taem oli mas go long stoa, long ples blong dokta, no long sam ples bakegen. Mo yumi save kasem fulap samting from waes mo ekspiryens blong olgeta long laef tu.—Job 15:10; Prov. 16:31; 1 Tim. 5:1, 2.
Sing 116 mo laswan prea.
WIK WE I STAT LONG SEPTEMBA 17
Sing 160.
8 menet: Lokol mesej. Ridim ripot blong ol kaon long kongregesen. Talem tankyu long kongregesen from ol presen we oli sanem long Sosaete. Sosaete i kasem ol mane ya mo hem i talem tankyu long olgeta evriwan. Mekem i klia long tingting blong evriwan se oli mekem i gud from we oli sapotem wok blong talemaot gud nyus we i gohed long evri ples blong wol.—Prov. 3:9.
20 menet: “Yumi Kwik Blong Statem Ol Baebol-stadi”—Toktok wetem kwestin mo ansa. Talemaot total namba blong ol Baebol-stadi we ol pablisa oli mekem long kongregesen. Taem yufala i kasem haf 5, mekem wan pleplei we i soemaot olsem wanem wan pablisa i save statem wan Baebol–stadi wetem wan man we hem i jes mitim nomo. Fastaem, man ya we pablisa i toktok long hem i no intres tumas, be biaen hem i glad blong tekem traket Laef Long Pis Blong Nyufala Wol. Pablisa ya i tokbaot wan no tu haf blong traket mo tufala i putum taem blong pablisa i kambak luk hem. Long nekis pleplei, soemaot olsem wanem blong tokbaot Baebol–stadi long wan man, yusum ol fas tok blong Reasoning buk, pej 12, long haf ya “Baebol-stadi Long Hom.” Talem gud long ol pablisa se taem yumi prij long sapa, yumi gat moa jans blong statem ol Baebol–stadi wetem ol famle from we ol hasban oli stap long haos taem yumi pas long ples blong ol.
17 menet: “Taem Yufala i Tijim Man, Yufala i Mas Tajem Hat Blong Ol”—Tok ya bambae i stanap long 4 stampa poen we i kamaot long Wajtaoa blong Ogis 1, 1984 long Engglis pej 13 kasem 17. (Novemba 1, 1984, long Franis) Soemaot from wanem ol pablisa oli mas halpem olgeta we oli stadi blong oli gru long saed blong speret. Talemaot wetaem i stret taem blong stopem wan stadi we i no karem frut nating.
Sing 121 mo laswan prea.
WIK WE I STAT LONG SEPTEMBA 24
Sing 69.
10 menet: Lokol mesej. Leftemap tingting blong ol pablisa blong go seremaot magasin long Sarede. Mekem tu sot pleplei: Long faswan, man blong haos i intres long ol tok we pablisa i talem long hem. Long namba tu, man blong haos i no wantem tekem ol magasin be hem i agri blong ridim wan traket. Long faswan pleplei, pablisa i save talem se hem i joen long wan wok blong tijim Baebol long ol man mo wok ya i gohed long evri ples long wol. Bambae hem i yusum pej 2 blong Wajtaoa mo hem i soemaot wok blong magasin ya no maet hem i tekem magasin Wekap! long pej 4, ale hem i storeyan moa long wok blong magasin ya. Ating long en blong tufala pleplei ya, pablisa bambae i askem long man blong haos blong statem wan Baebol–stadi wetem hem.
20 menet: “Yumi Mas Tinghae Long Ol Paenia”—Elda we i lukaot long wok blong prij i tokbaot haf ya wetem 1 no 2 paenia. Askem long olgeta olsem wanem oli mekem blong leftemap tingting blong ol narafala mo wanem samting i givhan gud long olgeta long kongregesen. Talem tangkyu long olgeta insaed long kongregesen from we oli halpem ol paenia bigwan.
15 menet: Presiden-elda i tokbaot ol nid blong kongregesen. Tok we hem givim i stanap long Wajtaoa blong Janewari 1, 1983, long haf “Ansa long wan kwestin,” pej 30 mo 31. (Franis: Epril 1, 1983) Haf ya i stap ansarem kwestin ya se: “?Olsem wanem blong halpem ol Kristin we kongregesen i putumaot wan famle blong ol?”
Sing 62 mo laswan prea.