Miting Blong Halpem Yumi Blong Mekem Disaepol
WIK WE I STAT LONG EPRIL 1
Singsing 191
10 menet: Lokol mesej mo sam mesej blong Kingdom Wok. Tokbaot Memoriol bakegen, namba blong ol nyuwan we oli kam, mo wanem samting we yufala i save mekem long wik ya blong pulum ol man oli kam long spesel tok ya: “Taem We Mesaea i Stap Mo i Rul,” long Epril 7. Talem bakegen ol miting blong prij blong wik ya. Smoltaem, tokbaot bakegen ol rul blong leta ya ‘Olsem Wanem Blong Mekemgud Ol Sabskripsen’ (S-11).
20 menet: “Mekemgud Minista Wok Blong Yumi Long Kongregesen.”—Wan tok. Biaen mekem pleplei we i rere gud. Brata we i lukaot long Buk Stadi i stap eksplenem long wan hasban mo waef olsem wanem tufala i save yusum Indeks blong faenemaot from wanem mo wetaem ol sista oli mas kavremap hed blong olgeta.
15 menet: Nyufala Stampa Tok Blong Prij. Tokbaot nyufala Stampa Tok wetem kongregesen. Mo tu, tokbaot sam poen blong ol nyufala Wajtaoa. Pulum ol brata blong seremaot sabskripsen. Finisim haf ya wetem toktok we i pulum olgeta blong yusum nyufala Stampa Tok Blong Prij.
Singsing 146 mo laswan prea.
WIK WE I STAT LONG EPRIL 8
Singsing 43
5 menet: Lokol mesej mo Tiokratik Nyus.
15 menet: “Talemaot Gud Nyus: Karem Moa Frut From Fasin Blong Lesin Gud.”—Tokbaot haf ya wetem ol kwestin mo ansa. Taem yu stap tokbaot haf 4, pablisa i save mekem pleplei. Hem i mestem wan gudfala jans blong storeyan from we hem i no lesin gud long ol toktok blong man blong haos long saed blong ol trabol blong hem wan. Askem long kongregesen olsem wanem pablisa i save mekem i moa gud. Afta, sem pablisa i mekem pleplei bakegen, be long taem ya hem i soemaot stret wei blong statem storeyan wetem man blong haos.
25 menet: “Frut We Yumi Kasem i Stret Long Wok We Yumi Mekem.”—Tok ya i stanap long medel pej blong Kingdom Wok. Wan elda i mas mekem tok ya. Joenem ol save ya wetem ol samting we i kamaot long kongregesen. Yufala i save ridim sam haf mo vas sipos i gat taem.
Singsing 204 mo laswan prea.
WIK WE I STAT LONG EPRIL 15
Sinsing 28
10 menet: Lokol mesej mo ol kaon blong kongregesen. Talem tangkyu long ol brata from gladhat we oli soemaot blong givhan long kongregesen.
15 menet: “Pulum Ol Narafala Blong Ridim Wajtaoa.”—Wan tok we i gat laef long hem. Talem long tu no tri pablisa blong reremgud sam toktok blong soemaot from wanem oli tinghae long Wajtaoa, mo olsem wanem ol Wajtaoa we oli ridim oltaem oli stap givhan long olgeta.
20 menet: “Statem Mo Finisim Ol Miting Long Stret Taem.” Kwestin mo ansa. Ridim olgeta haf.
Singsing 213 mo laswan prea.
WIK WE I STAT LONG EPRIL 22
Sinsing 122
10 menet: Lokol mesej. Talem bakegen program blong klinim Haos-Kingdom. Halpem ol brata blong luksave se yumi mas wok tugeta blong mekem ples blong wosip long Jeova i stap klin.—Blong kasem moa save ridim haf ya, “?Yufala i Respektem Haos-Kingdom Blong Yufala?” long pej 7 bong Kingdom Wok blong Oktoba, 1989.
15 menet: “Yusum Gud Ol Buk Blong Yumi.”—Kwestin mo ansa. Insaed long haf ya i save gat tu pleplei we i soemaot olsem wanem blong yusum beswan buk we yumi gat.
10 menet: Wok Blong Ol Man Blong Welkam. Askem sam kwestin long brata we i lukaot long wok blong mekem welkam ol man. Tokbaot wok blong olgeta mo olsem wanem kongregesen i save mekem wok blong olgeta i moa isi. (Lukluk Organized to Accomplish Our Ministry, pej 63-4.) Tokbaot we samtaem ol man we oli mekem welkam oli mas talem long ol mama papa blong kwaetem pikinini blong olgeta. Mo tu, ol brata ya oli givhan long ol man blong faenem jea, blong mekem miting i holem stret oda, blong kaontem ol man, mo blong givhan long ol olfala mo ol sikman blong oli faenem wan jea.
10 menet: Yusum Ol Traket Long Wok Blong Prij. Soemaot ol defren traket ya we yumi save yusum, mo tokbaot sam defren rod blong yusum olgeta. Olgeta long kongregesen oli save talemaot olsem wanem oli stap yusum ol traket mo talem sam ekspiryens long saed ya. Long Janewari, yumi tokbaot finis olsem wanem blong yusum ol traket blong statem Baebol-stadi. Samfala i save talemaot ekspiryens blong olgeta taem oli yusum samting ya. Mo tu, lukluk Indeks long haf ya “Traket” blong faenem sam narafala ekspiryens long saed ya.
Singsing 129 mo laswan prea.
WIK WE I STAT LONG EPRIL 29
Singsing 221
5 menet: Lokol mesej.
15 menet: Skelemgud Ol Taem Blong Pleplei. Askem sam kwestin long sam yangfala long saed blong taem blong pleplei. Yusum save we i kamaot long buk ya Young People Ask, japta 35 kasem 37. Brata we i mekem haf ya i save askem se: ?From wanem yumi mas jusumgud ol samting we yumi ridim? ?Olsem wanem yumi save jusum ol gudfala samting blong ridim? ?Sipos yumi stap lukluk video oltaem, wanem trabol i save kamaot? ?Mo olsem wanem yumi save kontrolem samting ya? ?From wanem yumi no mestem wan gudfala samting taem yumi no folem ol yangfala blong wol? ?Olsem wanem fasin blong folem olgeta i denja? ?Wanem sam gudfala pleplei we yu save harem gud long olgeta? ?From wanem yumi nidim blong skelemgud bisnes ya?
15 menet: Prij Long Evri Haos Wanwan. Tok we i gat laef mo i enkarajem ol brata mo sista. Hem i stanap long buk ya Organized to Accomplish Our Ministry, pej 84-7. Soemaot olsem wanem ol advaes ya i joen wetem lokol kongregesen. Tokbaot program blong kongregesen blong prij long evri haos wanwan. Talem olsem wanem wok ya blong trenem ol nyu pablisa blong oli mekemgud minista wok long evri haos i impoten tumas.
10 menet: Tok long ol lokol nid. No tok we i stanap long Awake! blong Desemba 22, 1990, pej 20-4, “!Stret Gavman i Stanap Finis!”
Singsing 12 mo laswan prea.