Miting Blong Halpem Yumi Blong Mekem Disaepol
WIK WE I STAT LONG JULAE 1
Singsing 173
10 menet: Lokol mesej mo Advaes blong Kingdom Wok we i stret long yufala. Tokbaot sam haf blong ol nyu magasin we yufala i save yusum long wok blong seremaot magasin long Sarede we i kam.
15 menet: “Taem Yu Visitim Wan Sikman, Olsem Wanem Blong Givhan Long Hem.” Tok long haf ya long Wekap! (Engglis, Franis) Maj 8, 1991. Tokbaot plan long kongregesen blong givhan long ol olfala, olgeta we oli sik no oli no save wokbaot afsaed long haos. Makem poen long pej 11, haf 4, olsem wanem fasin blong putum klos we i stret i save givhan.
20 menet: “Mekemgud Minista Wok Wetem Longfala Tingting.” Ol kwestin mo ansa. Makemgud we yumi mas soemaot longfala tingting, i tru moa long ol teritori we yumi wokem evritaem. Long en blong haf 6, yu save askem wan pablisa blong soemaot olsem wanem blong yusum Stampa Tok Blong Prij wetem “Look!” buklet.
Singsing 224 mo laswan prea.
WIK WE I STAT LONG JULAE 8
Singsing 129
10 menet: Lokol mesej. Ridim ol kaon blong kongregesen. Tiokratik Nyus. Talem bakegen plan blong wok blong prij long kongregesen long wiken.
15 menet: “Mekem Wok Blong Prij Wetem Olgeta Sol Blong Yu—Haf 1.” Elda we i lukaot long wok blong prij i mekem haf ya wetem ol kwestin mo ansa. Taem hem i mekemrere haf ya, hem i mas jusumaot samfala blong ridim sam vas. Nao hem i save talemaot olsem wanem ol vas ya oli stret long ples blong yufala. Pulum ol brata blong intres long nekis fo haf we bambae oli kam long Kingdom Wok long fyuja.
20 menet: Wok Blong Fultaem Paenia—Nambawan Jans Blong Wokbaot Wetem God. (Maeka 6:8) Elda no man blong givhan (i moa gud sipos hem i paenia) i givim tok ya long kaen fasin we i enkarajem ol brata. (Lukluk Wajtaoa, Mei 15, 1989, pej 21-23—Engglis mo Franis.) Talem sam poen blong givhan long ol pablisa we oli naf blong tinghevi long disisin blong paenia. Singaot tu no tri paenia, askem sam kwestin long olgeta, blong soemaot olsem wanem paenia wok i gud tumas mo i save halpem yumi. Stat blong nyu tiokratik yia i gud taem blong stat long wok blong paenia.
Singsing 204 mo laswan prea.
WIK WE I STAT LONG JULAE 15
Singsing 32
10 menet: Lokol mesej. Talem bakegen ol gudfala poen long ripot blong kongregesen long Jun. Leftemap tingting blong ol pablisa from we oli wok gud long wok blong prij.
20 menet: “Talemaot Gud Nyus—Wetem Fasin Luksave.” Ol kwestin mo ansa. Samfala oli save mekem sam pleplei long ol poen long haf 5. Wan pablisa we i gat gudhan long wok blong prij i save soemaot olsem wanem blong ansa long man we i wantem agyu. Long kwaet mo keful fasin, hem i save askem sam kwestin, mo soemaot wanem we Baebol i talem long saed ya. Hem i mas mekemrere gud pleplei ya.
15 menet: Olsem Wanem Mi Mi Kasem Trutok. Ol ekspiryens. Wan elda i askem sam kwestin long tu no tri long kongregesen. Tokbaot olsem wanem Tok blong God mo ogenaesesen blong hem oli pulum olgeta gogo oli givim laef blong ol long Jeova mo oli kasem baptaes. Makem olsem wanem trutok i mekem laef blong olgeta i moa gud.
Singsing 172 mo laswan prea.
WIK WE I STAT LONG JULAE 22
Singsing 106
15 menet: Elda no man blong givhan we i naf gud i talem lokol mesej. Askem long kongregesen blong talem sam poen long ol buklet. Jusum ol poen we oli joengud wetem Stampa Tok Blong Prij, we oli save mekem man blong haos i wantem ridim buklet. Wan i save mekem wan smol pleplei olsem wanem blong joenem Stampa Tok wetem buklet. Hem i save soemaot wan poen long buklet.
18 menet: “Ol Buk Stadi—Haf 1.” Elda we i gat ekspiryens i storeyan wetem wan no tu narafala elda no man blong givhan we oli lukaot long sam Buk Stadi. Makemgud tu no tri samting we kongregesen i nidim blong wok long ol, olsem blong yusum prapa toktok blong olgeta taem oli ansa long miting, mo blong mekem ol save long Buk Stadi i wok.
12 menet: Tok long ol nid blong kongregesen. Tokbaot sam poen we ol elda oli ting se kongregesen i nidim help long ol. Maet brata ya i yusum sam vas long Baebol blong storeyan long sam poen we seket elda i bin talem long las visit blong hem.
Singsing 191 mo laswan prea.
WIK WE I STAT LONG JULAE 29
Singsing 134
15 menet: Ol lokol mesej. Askem long kongregesen blong talem sam ekspiryens olsem wanem oli bin seremaot sam buklet mo statem sam Baebol stadi.
15 menet: “Yumi Wanwan i Mas Karem Responsabiliti Blong Yumi.” Elda i tokbaot haf ya wetem wan famle. Talem bakegen olsem wanem program blong seket asembli we i jes pas i givhan long kongregesen mo oli harem gud long hem. Pulum olgeta blong tingbaot program blong nekis seket asembli. Askem long ol papa we oli stap olsem wanem program ya i bin givhan long famle blong ol. Pulum evriwan blong mekem plan blong kam mo harem gud long program we Sosaete i mekem blong ol asembli long 1992 tiokratik yia.
15 menet: “?Yumi Save Mekem Wanem Blong Yumi No Gobak Long Wan Nogud Fasin Bakegen?” Storeyan long haf ya long Wekap! (Engglis, Franis) Epril 8, 1991.
Singsing 132 mo laswan prea.