Miting Blong Kingdom Wok Blong Maj
Wik We i Stat Long Maj 2
Singsing 146
10 menet: Lokol mesej mo Advaes long Kingdom Wok Blong Yumi. Soemaot olsem wanem blong seremaot ol magasin long Sarede.
20 menet: “Revelesen—Ol Tok Haed Oli Kam Klia.” Kwestin mo ansa. Makem wan toktok we i stret blong yusum long ples blong yu taem yu givimaot buk ya Revelation Climax. Mo tu mekem wan pleplei blong soemaot olsem wanem blong winim sam tingting we i stap kamaot oltaem long ples blong yu. Sipos man blong haos i talem se: “Mifala i gat skul finis,” askem hem se: “?Long jyos blong yu, yufala i tokbaot buk ya Revelesen?” Pulum hem blong i ridim Revelesen 1:3. Wan narafala kwestin we maet yu save askem se: “?Jyos blong yu i tingbaot buk blong Revelesen olsem wanem?”
15 menet: “Ol Tok We Oli Pulum Man Blong Lesin.” Wan elda we i gat ekspiryens i mekem tok ya wetem tu no tri paenia mo/no pablisa. Tokbaot ol defren rod we i save wok long teritori blong yu.
Singsing 222 mo laswan prea.
Wik We i Stat Long Maj 9
Singsing 213
10 menet: Lokol mesej. Leftemap tingting blong ol pablisa blong mekem plan blong haftaem paenia long manis Epril blong oli tekem ol pepa blong fulumap mo givimbak kwik.
15 menet: “Visitim Ol Man We Oli Intres Kwiktaem.” Toktok wetem kwestin mo ansa.
20 menet: “?Wanem Samting Mi Save Talem Blong Mekem Man i Intres Moa?” Mekemrere tu no tri pleplei. Afta long evri pleplei ya, askem ol man from wanem oli ting se ol toktok ya oli save mekem man blong haos i intres moa.
Singsing 163 mo laswan prea.
Wik We i Stat Long Maj 16
Singsing 197
10 menet: Lokol mesej. Ripot blong kaon. Leta we Sosaete i talem tangkyu from presen mane. Talem tangkyu long ol brata from we oli folem rul long Dutronome 16:17.
15 menet: “Talemaot Ol Fasin Blong Jeova.” Toktok wetem kwestin mo ansa. Leftemap tingting blong ol brata sista blong oli wok tugeta blong mekem manis Epril i wan spesel manis blong wok.
20 menet: Elda i toktok wetem tri no fo pablisa we oli mekem haftaem paenia long manis Epril no oli bin mekem olsem finis. Askem olgeta from wanem oli mekem paenia, wanem plan oli mekem long manis Epril, mo askem sipos oli gat ol ekspiryens taem oli bin mekem haftaem paenia. Talem nem blong olgeta we oli wantem mo oli save mekem haftaem paenia long manis Epril.
Singsing 151 mo laswan prea.
Wik We i Stat Long Maj 23
Singsing 43
5 menet: Lokol mesej. Tiokratik Nyus. Leftemap tingting blong ol pablisa blong oli tingbaot wok blong haftaem paenia long manis Epril. Askem olgeta blong invaetem ol man long wan spesel tok long Epril 5 mo blong mekem moa wok long manis Epril.
25 menet: Lokol nid no tokbaot ol tok blong Wajtaoa Desemba 1, 1991 (Bislama) haf ya “Toktok Tugeta Insaed Long Famle Mo Long Kongregesen.”
15 menet: Tok i kamaot long Wajtaoa Novemba 1, 1991 (Febuwari 1, 1992, Bislama) haf ya se, “?Yu Yu Gat Fasin Tangkyu From Ogenaesesen Blong Jeova Long Wol?” Bildimap bilif mo fasin blong trastem ogenaesesen long kongregesen.
Singsing 213 mo laswan prea.
Wik We i Stat Long Maj 30
Singsing 166
8 menet: Lokol mesej. Talem bakegen se long Epril mo Mei hem i taem blong mekem sabskripsen long Wajtaoa. Sipos oli no mekem sabskripsen oli save givimaot tu magasin mo wan buklet.
12 menet: “Yufala i Mas Stap Mekem Samting Ya Blong Tingbaot Mi Bakegen.” Presiden elda i givim tok ya mo i save askem kwestin long ol man we oli lesin wetem haf we i stap insaed long bokis.
15 menet: Tok long “Fasin Blong Wosip Long Ol Bubu” we i kamaot long buk ya Reasoning, pej 29 kasem 32 (pej 81-84, Franis). Plante man oli stap talem se long ol kantri long Wes ol man oli no stap wosip long ol ded bubu blong olgeta, be plante samting long taem blong yumi oli soemaot se oli ona long ol dedman. Sam man oli stap ona mo wosip long ol man ya olsem we oli stap laef yet. Oli stanemap ol aedol, mo oli droem ol pija, mo oli raetem store blong ol dedman olsem ya. Mekem wan pleplei we wan papa i stap toktok wetem wan pikinini we i gat samwe bitim 12 yia finis. Papa i yusum ol tok we i stap long pej 30 (82) blong Reasoning buk. Makem ol tok we oli stap long faswan mo sekenwan stampa tok blong hem, blong soemaot long pikinini from wanem i nogud blong lukluk ol sinima blong fraet we i leftemap fasin blong wok wetem ol rabis speret no tingting ya se ol dedman oli laef mo oli save mekem nogud long ol man. Eksplenem se ol dedman oli stap olsem wanem mo tokbaot hop blong laef bakegen long ded, mo soemaot olsem wanem tingting ya i save givhan long yumi. Pikinini i talemaot se hem i no wantem lukluk ol sinima no video we oli leftemap fasin blong wok wetem ol rabis speret.
10 menet: Ol ekspiryens long buk blong Revelation Climax long manis Maj. Askem ol pablisa blong tokbaot ol ekspiryens sipos oli gat taem.
Singsing 204 mo laswan prea.